नीलेश लंके प्रतिष्ठानला जमीन देण्याला शिवसेना नगरसेवकांचा विरोध : आज पारनेर बंद

अहमदनगर - पारनेर नगरपंचायतवर राष्ट्रवादी काँग्रेसची सत्ता आहे. पारनेर नगरपंचायतने हॉस्पिटल उभारणीसाठी शहरातील गट नंबर 96 मधील 6 हेक्टर 29 आर इतकी जमीन नीलेश लंके प्रतिष्ठानला देण्यासाठी ना हरकत प्रमाणपत्र देण्याचा ठराव विशेष सभेत मांडला होता. या ठरावाला विरोध करत शिवसेना नगरसेवकांनी सभात्याग केला होता. या वादामुळे आज पारनेर शहरातील सर्व कारभार ठप्प आहेत. Parner News Update

या ठरावाला विरोध करत शिवसेनेने आक्रमक भूमिका घेतली. मुख्याधिकारी डॉ. सुनीता कुमावत यांना चार नगरसेवकांनी निवेदन दिले होते. शिवसेना विरोधानंतर जागा देण्याचा निर्णय होत असल्यास आमरण उपोषण करण्याचा इशाराही या निवेदनात देण्यात आला.

निवेदनात यांनी म्हटले आहे, की कोण्या एका प्रतिष्ठानने मौजे पारनेर येथील गट नंबर 96 मधील 6 हेक्टर 29 आर जागेची वैयक्तिक हॉस्पिटल उभारणीसाठी मागणी केली आहे. ही जागा सरकारी आहे. प्रतिष्ठानला देण्यास शिवसेना नगरसेवकांची तीव्र हरकत आहे. सदर जागेचा उपयोग गावातील अनेक ठिकाणी शासकीय कार्यालय आजमितीस दुरावस्थेत आहेत. त्यासाठी होऊ शकतो.

वाढत्या लोकसंख्येमुळे भविष्यात गावातील जनतेसाठी व्यायाम, फिरण्यासाठी ट्रॅक, बगीचा या अनेक गोष्टी करण्याकरिता उपयोगात आणू शकते. गावाची वाढती लोकसंख्या पाहाता गावाला स्टेडियम, स्विमिंग पूल, ट्रॅक तसेच नगरपंचायत हद्दीमध्ये यासारख्या अनेक सुविधा असाव्या लागतात. त्यासाठी भविष्यात या जागेचा उपयोग होऊ शकतो. घरकुल, म्हाडा तसेच इतर शासकीय घरांचे प्रकल्प बसवण्याचे झाल्यास सध्यस्थितीत नगरपंचायतीकडे जागा उपलब्ध नाही. त्यासाठी या जागेचा उपयोग होऊ शकतो.

गावातील पाणीपुरवठा पाईपलाईन हंगा तलावातून येते, हे सर्वांना ज्ञात आहेत. त्यामुळे भविष्यात जलशुद्धीकरण प्रकल्प बसवण्यासाठीही या जागेचा उपयोग होऊ शकतो. अशी कारणे शिवसेनेच्या नगरसेवकांनी निवेदनमध्ये दिली होती. नीलेश लंके प्रतिष्ठान व शिवसेनेच्या वादामुळे आज पारनेर शहर बंद आहे.