माजी मंत्री शंकरराव कोल्हे : सहकारातील ६ दशकांच्या प्रवासाला पूर्णविराम

अहमदनगर : जेष्ठ नेते आणि राज्याचे माजी सहकार मंत्री शंकरराव कोल्हे यांचे आज (बुधवार) पहाटे वृद्धापकाळाने निधन झाले. वयाच्या ९४ व्या वर्षी त्यांनी अखेरचा श्वास घेतला. त्यांच्या जाण्याने सहकारातील जवळापास ६ दशकांच्या प्रवासाला पूर्णविराम मिळाल्याचे भावाना व्यक्त केली जात आहे. राष्ट्रवादी काँग्रेसचे अध्यक्ष शरद पवार यांचे निकटवर्तीय आणि पाणीप्रश्नी आग्रही भूमिका मांडणारे अभ्यासू नेते म्हणून देखील त्यांना ओळखले जात होते. कोपरगावच्या संजीवनी कॉलेज परिसरात आज संध्याकाळी ४ वाजता त्यांच्यावर अंत्यसंस्कार होणार आहेत. (Shankarrao Kolhe News)