पाटणकर ठरले 'जायंट किलर'; गृहराज्यमंत्री शंभूराज देसाई यांचा पराभव

शशिकांत शिंदे यांचाही एका मताने पराभव झाला आहे.
पाटणकर ठरले 'जायंट किलर'; गृहराज्यमंत्री शंभूराज देसाई यांचा पराभव
Shambhuraj Desai, Satyajitsingh PatankarSarkarnama

सातारा : जिल्हा मध्यवर्ती बँक निवडणुकीत धक्कादायक निकाल लागले आहेत. राष्ट्रवादी काँग्रेसचे आमदार शशिकांत शिंदे (Shashikant Shinde) यांच्यापाठोपाठ शिवसेनेचे नेते व गृहराज्यमंत्री शंभूराज देसाई (Shambhuraj Desai) यांनाही पराभवाचा धक्का बसला आहे. राष्ट्रवादीचे नेते सत्यजित पाटणकर (Satyajit Patankar) यांनी त्यांचा 14 मतांनी पराभव केला आहे.

पाटण प्राथमिक कृषी पतपुरवठा मतदारसंघातून देसाई व पाटणकर आमनेसामने होते. माजी मंत्री विक्रमसिंह पाटणकर यांचे सुपूत्र सत्यजितसिंह पाटणकर व गृहराज्यमंत्री शंभूराज देसाई यांच्यातील ही लढत अटीतटीची मानली जात होती. त्यामध्ये पाटणकर यांनी बाजी मारली आहे. पाटणकर यांना 58 तर देसाईंना 44 मते मिळाली आहेत. एकूण 103 मतदानापैकी 102 जणांनी मतदान केले होते.

Shambhuraj Desai, Satyajitsingh Patankar
सातारा जिल्हा बँक निवडणूकीत शशिकांत शिंदेंना पराभवचा धक्का

जावली प्राथमिक कृषी पतपुरवठा मतदारसंघात एकूण ४९ मते असून इथे १०० टक्के मतदान पार पडले होते. यात सगळी मते वैध ठरली असून यात शशिकांत शिंदे यांना २४ तर ज्ञानदेव रांजणे यांना २५ मत मिळाली. शिंदे यांचा एका मताने निसटता पराभव झाल्याने त्यांना मोठा धक्का बसला आहे.

Shambhuraj Desai, Satyajitsingh Patankar
बाळासाहेब पाटील-उदयसिंह उंडाळकरांच्या जिल्हा बँकेतील भवितव्याचा फैसला आज

काल निकालापूर्वी प्रतिक्रिया देताना शशिकांत शिंदे म्हणाले होते, जिल्हा बँकेची जावली सोसायटीची निवडणूक ही राजा विरूध्द प्रजा अशीच झाली, त्यामुळेच ही निवडणुक जिल्ह्यात नव्हे तर महाराष्ट्रात गाजली. ज्यांना मी वाढवले तेच मला हद्दपार करायला निघालेत. मात्र, आता तालुक्यात नवी समीकरणे उदयास येणार हे निश्चित. राष्ट्रवादी काँग्रेसच्या सर्वजणांनी एकत्र येऊन तालुक्यात वज्रमूठ तयार केली आहे. वेळ आल्यावर व्याजासकट त्यांची परतफेड करणार आहे, असा सूचक इशाराही शिंदे यांनी मानकुमरे व रांजणे यांना दिला होता.

Related Stories

No stories found.
Sarkarnama
www.sarkarnama.in