पिचडांनी उडविला लहामटेंचा धुव्वा

अकोले ( जि. अहमदनगर ) : अहमदनगर जिल्ह्यातील तीन नगर पंचायतींसाठी आज मतमोजणी प्रक्रिया सुरू होत आहे. यात अकोले नगर पंचायतचा समावेश आहे. ही निवडणुकीचा निकाल हाती आला आहे. या निवडणुकीत भाजपचे मधुकरराव पिचड ( Madhukarrao Pichad ) समर्थक विरुद्ध राष्ट्रावादी काँग्रेसचे आमदार डॉ. किरण लहामटे ( Kiran Lahamte ) समर्थक यांच्यात लढत होती. अकोले नगर पंचायत भाजपच्या ताब्यात आहे. या निवडणुकीत भाजपने महाविकास आघाडीचा धुव्वा उडवित सत्ता राखली. Lahamaten's wash was blown away by Pichad

अकोले नगर पंचायत निवडणुकीच्या प्रचारात विकासापेक्षा आरोप प्रत्यारोप होत राहिले. महाविकास आघाडीत शिवसेना व राष्ट्रवादी काँग्रेस एकत्रपणे तर काँग्रेस स्वतंत्रपणे निवडणूक लढली. यात काँग्रेसच्या मधुकर नवले यांनी भाजपपेक्षा राष्ट्रवादी काँग्रेसलाच लक्ष्य केले. त्यामुळे भाजपला अधिक बळ मिळत गेले.

दोन टप्प्यात झालेल्या मतदानानंतर आज सकाळी मतमोजणी प्रक्रिया सुरू झाली. अवघ्या दीड तासात मतमोजणी प्रक्रिया पूर्ण झाली. यात भाजपचे 12, राष्ट्रवादी काँग्रेसचे 2, शिवसेनेचा 1 तर काँग्रेसचा 1 उमेदवार विजयी झाला. त्यामुळे पिचड पिता-पुत्रांनी आपली सत्ता पुन्हा राखण्यात यश मिळविले आहे.