महाराष्ट्र केसरी : किरण भगत बाहेर पडल्याने साताऱ्याला धक्का

सातारा : महाराष्ट्र केसरी कुस्तीच्या माती विभागातून साताऱ्याच्या किरण भगत याला आज पराभवाचा धक्का बसला. गोंदियाच्या वेताळ शेळके याने त्याच्यावर ४ विरुद्ध ३ गुणांच्या फरकाने मात केली. गतविजेत्या हर्षवर्धन सदगीर याने मुंबई पूर्वच्या आदर्श गुंड याला ८ विरुद्ध २ गुण फरकाने पराभूत केले.

सायंकाळच्या सत्रात महाराष्ट्र केसरीच्या फेरीला प्रारंभ झाला. माती विभागात साताऱ्याच्या किरण भगतकडे सर्वांच्या नजरा लागल्या होत्या. किरणने सुरवातीलाच वेताळला कोंडी मारण्याचा प्रयत्न केला. त्याचा प्रयत्न वेताळने निष्फळ ठरवला. सहा मिनिटांत त्याला तीन, तर वेताळने चार गुण मिळवले. गादी विभागात हर्षवर्धनने आदर्शला ८ विरूद्ध २ गुण फरकाने पराभूत केले.

कोल्हापूरचा पृथ्वीराज पाटील, बुलढाण्याचा समीर शेख, सोलापूरचा नारायण सोलणकर, वाशिमचा नयनेश निकम, साताराचा दिग्विजय जाधव यांनी याच विभागात प्रतिस्पर्ध्यांना पराभूत केले. माती विभागातून अमरावतीचा माऊली जमदाडे, वर्धाचा राहुल नागटिळक, रत्नागिरीचा संतोष दोरवडने पुढच्या फेरीत प्रवेश केला.

राज्य कुस्तीगीर परिषदेच्या मान्यतेने सातारा जिल्हा तालीम संघ आयोजित ६४ वी राज्य अजिंक्यपद व महाराष्ट्र केसरी किताब मैदान जिल्हा क्रीडा संकुलात सुरू आहे. मैदानात ७० किलो गादी विभागात कोल्हापूरच्या सोनबा गोंगाने याने सुवर्णपदकावर नाव कोरले. कोल्हापूरच्या सुशांत तांबूळकर याने ९२ किलो गटात प्रतिस्पर्ध्यावर पंधरा सेकंदात तांत्रिक गुणांवर मात केली.

अखेरच्या क्षणापर्यंत रंगलेल्या लढतीत ५७ किलो गादी विभागात सोलापूरच्या सौरभ ईगवेने प्रतिस्पर्ध्याला एका गुणाची आघाडी घेत बाजी मारली. माती विभागातून ५७ किलो सोलापूरचा जोतिबा अटकळे, ७० किलोमध्ये पुण्याचा निखिल कदम, तर ९२ किलोत बीडच्या अमोल मुंडेने सुवर्ण पदक पटकावले.

सायंकाळच्या सत्रात महाराष्ट्र केसरी फेरीला प्रारंभ झाला. माती विभागात साताऱ्याच्या किरणच्या भगतकडे सर्वांच्या नजरा होत्या. किरणने सुरवातीलाच वेताळला कोंडी मारण्याचा प्रयत्न केला. त्याचा प्रयत्न वेताळने निष्फळ ठरवला. सहा मिनिटांत त्याला तीन, तर वेताळने चार गुण मिळवले. गादी विभागात हर्षवर्धनने आदर्शला ८ विरूद्ध २ गुण फरकाने पराभूत केले.