Ajit Pawar News : स्ट्रॉबेरी बघून शेती होते व्हयं....अजितदादांचा मुख्यमंत्र्यांना टोला

-उमेश बांबरे

Koregaon NCP News : काय झालं की मुख्यमंत्री Eknath Shinde साताऱ्यात त्यांच्या गावी येऊन दोन तीन दिवस राहतात. काय करतात तर शेती करतोय. स्ट्रॉबेरी पाहून कधी शेती होती का, असा प्रश्न करुन कधी झाडं बघायचे तर कधी आणखी काय... अशा शब्दात विरोधी पक्ष नेते अजित पवार Ajit Pawar यांनी मुख्यमंत्र्यांच्या शेती करण्याची टिंगल उडवली.

कोरेगाव येथे बाजार समितीच्या नवनिर्वाचित सदस्यांच्या सत्कार व रामराजेच्या आभिष्टचिंतन सोहळ्यानिमित्त आयोजित मेळाव्यात ते बोलत होते. यावेळी माजी सभापती रामराजे नाईक निंबाळकर, खासदार श्रीनिवास पाटील, आमदार शशिकांत शिंदे Shashikant Shinde, मकरंद पाटील,दीपक चव्हाण, नितीन पाटील, सुनील माने यांच्यासह पदाधिकारी व कार्यकर्ते उपस्थित होते.

अजित पवार म्हणाले, काय झालं की मुख्यमंत्री साता-यात दाेन, तीन दिवस इथे येऊन राहतात. काय करता तर शेती करताेय. स्ट्राॅबेरीपाहून कधी शेती हाेती का, असा सवाल करून कधी झाडं बघायचे आणि कधी आणखी काय... असे म्हणत त्यांनी मुख्यमंत्र्यांची मिमिक्री केली.

लाेक विचारतात कशाला गेलेत. मग त्यांच्या कार्यालयातून सांगण्यात येते फाईल काढायला गेलेत अन् फाईल काढून काढून किती काढल्या तर 65. आम्ही दाेन तीन तासांत इतक्या फाईल काढताे, असा चिमटा अजित पवार यांनी मुख्यमंत्री एकनाथ शिंदेंना काढला.