Nitin Gadkari : कराड उत्तरेतील घराणेशाही मोडीत काढा...नितीन गडकरी

Phaltan News : कराड उत्तरमध्ये Karad North चालत आलेली घराणेशाही येणाऱ्या निवडणुकीत मोडून काढण्यासाठी आत्तापासून कामाला लागावे. केंद्रात आणि राज्यात भारतीय जनता पक्षाचे BJP सरकार आहे. त्यामुळे कराड उत्तरच्या विकास कामासाठी लागणाऱ्या निधीची काळजी करू नये. विकास कामासाठी जेवढा निधी लागेल तो भारतीय जनता पक्षाच्या माध्यमातून दिला जाईल, अशी ग्वाही केंद्रीय रस्ते व भूपृष्ठ विकास मंत्री नितीन गडकरी Nitin Gadkari यांनी दिले.

कराड उत्तर भाजपाचे नेते धैर्यशील कदम व शिष्ट मंडळाने केंद्रीय रस्ते व भूपृष्ठ विकास मंत्री नितीन गडकरी यांची फलटणमध्ये भेट घेतली. यावेळी खासदार रणजितसिंह नाईक निंबाळकर, आमदार राहुल कुल, शहाजीबापू पाटील, माजी जिल्हा परिषद सदस्य सागर शिवदास उपस्थित होते. यावेळी कराड उत्तर विधानसभा मतदारसंघातील विविध विषयांवर व विकास कामांवर चर्चा करण्यात आली.

यावेळी गडकरी म्हणाले, कराड उत्तरमध्ये चालत आलेली घराणेशाही येणाऱ्या निवडणुकीत मोडून काढण्यासाठी आत्तापासून कामाला लागावे. केंद्रात आणि राज्यात भारतीय जनता पक्षाचे सरकार आहे. त्यामुळे कराड उत्तर च्या विकास कामासाठी लागणाऱ्या निधीची काळजी करू नये. विकास कामासाठी जेवढा निधी लागेल तो भारतीय जनता पक्षाच्या माध्यमातून दिला जाईल. धैर्यशील कदम आणि त्यांच्या सहकाऱ्यांनी पक्षवाढीसाठी काम करावे, विकास निधीची चिंता करू नका.

यावेळी मंत्री नितीन गडकरी यांनी स्वतः हून धैर्यशील कदम यांच्याकडून वर्धन ॲग्रो प्रोसेसिंग लिमिटेडची माहिती घेतली. साखर कारखानदारी व गुळ पावडर तयार करणाऱ्या साखर कारखान्यांमध्ये वर्धन ॲग्रो प्रोसेसिंग कारखाना हा प्रथमस्थानी असून हा देशातील साखर कारखानदारीला फार मोठा दिशादर्शक असा उद्योग आहे, असे सुचोवात गडकरी यांनी केले. लवकरच मी वर्धन कारखान्याला भेट देणार असल्याचे त्यांनी सांगितले.

यावेळी ओगलेवाडी, शामगाव, पुसेसावळी, वडूज, दहिवडी, शिखर शिंगणापूर, नातेपुते हा शंभर किलोमीटरचा रस्ता सध्या राज्यमार्ग आहे. तो राष्ट्रीय महामार्ग बनवून चौपदरीकरणासाठी निधी मंजूर करण्याची तसेच मल्हारपेठ, उंब्रज, मसूर, रायगाव, चोराडे, म्हासुर्णे, मायणी, पंढरपूर या राज्य मार्गासाठी निधीची मागणी धैर्यशील कदम यांनी निवेदनाद्वारे केली.