Congress : "पेशवाईसोबत राहायचे की शिवशाहीसोबत हे मुख्यमंत्री शिंदेंनी ठरवावे!"

कऱ्हाड : पेशवाई आणि शिवशाही या दोन गोष्टींत विचार करायची वेळ आली आहे. पेशवाईने आणि शिवशाहीने काय दिले हे जनतेला माहित आहे. त्यामुळे पेशवाई सोबत रहायचे की नाही हे मुख्यमंत्री शिंदे यांनी ठरवावे, असा सल्ला कॉंग्रेसचे प्रदेशाध्यक्ष नाना पटोले यांनी मुख्यमंत्री एकनाथ शिंदे यांना दिला. आज पटोले यांनी साताऱ्यातील कऱ्हाड येथे पत्रकारांशी संवाद साधला.

कॉंग्रेसने भाजप 'हटाव संविधान बचाव' रॅलीचे आयोजन करण्यात आले आहे. आज या रॅलीच्या समारोप होते. या कार्यक्रमात पटोले बोलत होते. पटोले म्हणाले, छत्रपती शिवाजी महाराज, महात्मा जोतिबा फुले, सावित्रीबाई फुले यांचा अपमान करण्याचे काम राज्यपाल करत आहेत. केंद्रातील भाजपचे प्रवक्ते सुधांशु त्रिवेदी यांनी तर कळसच गाठला. त्यांनी शिवाजी महाराजांनी औरंगजेबाची पाचवेळा माफी मागीतली, असे वक्तव्य केले. त्याची जीभ का गळून पडली नाही, माहित नाही."

यावेळी त्यांनी मुख्यमंत्री शिंदेंनाही सल्ला दिला. शिंदे म्हणाले, पेशवाई आणि शिवशाही या दोन गोष्टींचा विचार करायची वेळ आली आहे. पेशवाईने आणि शिवशाहीने काय दिले हे जनतेला माहित आहे. भाजपचे प्रवक्ते छत्रपतींसाठी जेव्हा माफीवीर असा अर्थ लावतात, तेव्हा ही पेशवाई आहे हे स्पष्ट होत आहे. आता पेशवाई सोबत रहायचे की नाही हे मुख्यमंत्री शिंदे यांनी ठरवावे, असे आवाहन त्यांनी मुख्यमंत्र्यांना दिली.