राज्यसभेसाठी दिग्गजांचे अर्ज दाखल... कोणाचा पत्ता कट होणार?

राज्यसभेसाठी आज भाजपकडून तीन, राष्ट्रवादी काँग्रेसकडून एक तर काँग्रेसकडून एक उमेदवारी अर्ज दाखल करण्यात आला.

राज्यसभेच्या खासदार पदासाठी भाजपकडून राज्याचे माजी कृषी मंत्री डॉ. अनिल बोंडे यांनी उमेदवारी अर्ज दाखल केला. यावेळी देवेंद्र फडणवीस, चंद्रकांत पाटील, आशिष शेलार आदी उपस्थित होते.

केंद्रीय मंत्री पियुष गोयल यांचा भाजपकडून उमेदवारी अर्ज दाखल करण्यात आला. त्यावेळी देवेंद्र फडणवीस, चंद्रकांत पाटील, प्रवीण दरेकर आदी उपस्थित होते.

कोल्हापूरचे माजी खासदार धनंजय महाडिक यांनी भाजपकडून उमेदवारी अर्ज दाखल केला.

काँग्रेसतर्फे उत्तर प्रदेशातील कवी व वक्ते इम्रान प्रतापगढी यांनी उमेदवारी अर्ज दाखल केल्या बद्दल त्यांचा सत्कार करताना नाना पटोले, बाळासाहेब थोरात, नीलम गोऱ्हे.

राष्ट्रवादी काँग्रेसकडून माजी केंद्रीय मंत्री प्रफुल्ल पटेल यांनी उमेदवारी अर्ज दाखल केला. या प्रसंगी उपमुख्यमंत्री अजित पवार, एकनाथ शिंदे, बाळासाहेब थोरात, नाना पटोले उपस्थित होते.