Satara : सातारा लोकसभेतून भाजपचाच खासदार निवडून येणार.. जयकुमार गोरे
सातारा : सातारा जिल्ह राष्ट्रवादीचा बालेकिल्ला असला तरी जिल्ह्यात त्यांचे तीनच आमदार उरले आहेत, अशी टीका करून आता परिस्थिती बदलली असून राष्ट्रवादीचे उमेदवार पराभूत होत नाहीत, असे नाही तर त्यांना निश्चितपणे हरवले जाऊ शकते. त्यासाठी भाजपने रणनिती आखली असून आगामी लोकसभा निवडणुकीत साताऱ्यातून भाजपचाच खासदार निवडून येणार, असा ठाम विश्वास भाजपचे जिल्हाध्यक्ष, आमदार जयकुमार गोरे यांनी व्यक्त केला.
शासकिय विश्रामगृहात त्यांनी आज केंद्रीय मंत्री सोमप्रकाश यांच्या दौऱ्याची माहिती देण्यासाठी पत्रकारांशी संवाद साधला. यावेळी त्यांनी राष्ट्रवादीवर टीका केली. जयकुमार गोरे म्हणाले, सातारा जिल्हा हा राष्ट्रवादीचा बालेकिल्ला मानला जातो. मात्र, राष्ट्रवादीचे जिल्ह्यात तीनच आमदार उरले आहेत.
माढा लोकसभा मतदारसंघ हा केंद्रीय माजी कृषिमंत्री शरद पवार यांचा मतदारसंघ होता. मात्र, तेथे आता भाजपचा खासदार निवडून आला आहे. ता परिस्थिती बदलली आहे. राष्ट्रवादीचे उमेदवार पराभूत होतच नाहीत असे नाही तर निश्चितच त्यांना हरवले जाऊ शकते.
या अनुषंगानेच भाजपने रणनिती आखली असून आगामी लोकसभा निवडणुकीत साताऱ्यातून भाजपचाच खासदार निवडून येणार, अशी ठाम विश्वास आमदार गोरे यांनी व्यक्त केला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.