Ahmednagar News : राज्यात जातीय, धर्मांध शक्तींचा उच्छाद; आंबेडकरी संघटनांचा राज्य सरकारवर निशाणा

Dalit Community Protest on 13 June : महाराष्ट्रात जातीय व धार्मिक शक्तींनी उच्छाद मांडला आहे. त्यांना संरक्षण व अभय देण्याचे काम शिंदे-फडणवीस सरकार करत आहे, असा आरोप आंबेडकरी विचारांच्या आंबेडकरी विचारांच्या संघटनेतील नेत्यांनी केला आहे.

नांदेड (Nanded) येथे दलित तरुणाची हत्या करण्यात आली. त्या घटनेच्या निषेधार्थ अहमदनगर येथे जन अक्रोश मोर्चाचे आयोजन करण्यात येणार आहे. हा मोर्चा १३ जून रोजी अहमदनगर पालिका ते जिल्हाधिकारी कार्यालय असा असणार आहे. याबाबत पत्रकार परिषदेत माहिती देण्यात आली. त्यावेळी या नेत्यांनी राज्य सरकारवर निशाणा साधला.

यावेळी ज्येष्ठ आंबेडकरी नेते अशोकराव गायकवाड म्हणाले, "महाराष्ट्रात जातीय व धार्मिक शक्तींनी उच्छाद मांडला आहे. या प्रवृत्तीला संरक्षण व अभय देण्याचे काम राज्य सरकार (State Government) करीत आहे. परिणामी आंबेडकरी चळवळीतील तरुणांची हत्या होत आहेत. (Nanded) नांदेडमधील जातीयवादी व धर्मांध तरुणांनी केलेली हत्या पुरोगामी महाराष्ट्राला शोभणारी नाही. या घटनेमुळे दलित समाजात भीतीचे, दहशतीचे वातावरण निर्माण झाले आहे."

या घटनेचा तीव्र निषेध अहमदनगर (Ahmednagar) जिल्ह्यातील आंबेडकरी बहुजन पुरोगामी जनतेच्या वतीने करण्यात येणार आहे. त्यानिमित्त १३ जून रोजी अहमदनगर पालिका येथून सकाळी १० वाजता मोर्चाचे आयोजन केले आहे. हा मार्चा जिल्हाधिकारी कार्यालय अहमदनगर येथे धडकणार आहे. यात जिल्ह्यातील व शहरातील आंबेडकरी बहुजन पुरोगामी जनतेने सहभागी व्हावे, असे जन आक्रोश मोर्चा आयोजकांनी आवाहन केले आहे.

यावेळी ज्येष्ठ नेते अशोक गायकवाड, सुरेश बनसोडे, सुमेध गायकवाड, किरण दाभाडे, संजय कांबळे, रोहित आव्हाड, प्रा.जयंत गायकवाड, आकाश जाधव, सुनील शिंदे, अक्षय भिंगारदिवे, सुशांत म्हस्के, योगेश साठे, बंटी भिंगारदिवे, सागर ठोकळ, अतुल भिंगारदिवे, जीवन कांबळे, नितीन कसबेकर, योगेश थोरात, सोमा शिंदे, विवेक भिंगारदिवे, विशाल भिंगारदिवे आदिसह समस्त आंबेडकरी बहुजन समाजाचे पदाधिकारी उपस्थित होते.

(Edited by Sunil Dhumal)