Satara : ॲक्टरांनो आमच्यासारखी ॲक्टींग करून दाखवा... गुलाबराव पाटलांचे चॅलेंज

Satara News : आम्ही लग्नात गेलो तर हसतो, मयतीला गेलो तर रडल्यासारखं करतो, वाढदिवसाला गेलो तर हॅपी बर्थ डे म्हणतो. हा रोल काही साधा नाहीये. वेगवेगळे विषय घेऊन हजार लोक भेटतात. पण सगळ्यांना भेटून आम्ही बोलतो. एक हजार एक वी व्यक्ती जरी भेटायला आली तरी आम्ही ही पहिलीच व्यक्ती भेटाला आलीय असे त्याच्याशी बोलतो. त्यामुळे चांगल्या चांगल्या ॲक्टरांनी आमच्या सारखी अक्टिंग करून दाखवावी, असे ओपन चॅलेंज पाणीपुरवठा आणि स्वच्छता मंत्री गुलाबराव पाटील Gulabrao Patil यांनी दिले.

सातारा जिल्हा परिषदेच्या माध्यमातून सरपंचांची जिल्हास्तरीय कार्यशाळा आणि जिल्ह्यातील विविध पाणीपुरवठा योजनांचा ई भूमिपूजन सोहळा आज पाणी पुरवठा आणि स्वच्छता मंत्री गुलाबराव पाटील यांच्या हस्ते पार पडला. या कार्यक्रमात बोलताना गुलाबराव पाटील यांनी तुफान फटकेबाजी केली.

मंत्री गुलाबराव पाटील म्हणाले, माझ्याकडे पाणीपुरवठा खाते असल्याने आज कोणताही आमदार मला भेटल्याशिवाय जाऊ शकत नाही. आम्ही माणसात राहून मानसाळलेली माणसे आहोत. त्यामुळे सकाळी पाच पंचवीस माणसे भेटायला कमी आली की, अस वाटतं की हवा कमी झाली का काय? आमची ओपीडी चालली पाहिजे. आम्ही तर बदनाम जात आहोत. पुढारी म्हणजे बदनाम जात.

मी तर सांगतो चांगल्या चांगल्या ॲक्टरांनी आमच्यासारखी ॲक्टिंग करून दाखवावी. आम्ही लग्नात गेलो तर हसतो, मयतीत गेलो तर रडल्यासारखं करतो, वाढदिवसाला गेलो तर हॅपी बर्थ डे म्हणतो. हा रोल काही साधा नाहीये. हजार लोक भेटतात वेगवेगळे विषय घेऊन पण सगळ्यांना भेटून आम्ही बोलतो. एक हजार एक वी व्यक्ती जरी भेटायला आली तरी आम्ही ही पहिलीच व्यक्ती भेटाला आलीय असे त्याच्याशी बोलतो.

गुलाबराव पाटील यांनी यावेळी एक किस्सा सांगितला. ते म्हणाले, मी १८२ मध्ये पान टपरी चालवत होतो. तेव्हा हे पोलिस लोक मला पकडायला मागे पुढे असायचे. गणपती, दसरा सण आला की पोलिस आलेच. पण, आता बरं वाटतय. आगे गाडी पीछे गाडी बीच मे बैठा गुलाबराव... असे म्हणताच सभागृहात एकच हशा पिकला.