खोलीत बसून मुलाखत काय देता ? मोकळ्या मैदानात या ; ठाकरेंना रावसाहेब दानवेंचे आव्हान

तुम्ही तर बाळासाहेबांचे स्वप्न पुर्ण करण्यासाठी मी मुख्यमंत्री झालो असे सांगता, पण एकनाथ शिंदे यांनीच खऱ्या अर्थाने बाळासाहेबांचे स्वप्न पुर्ण केले. (Raosaheb Danve)
Bjp Minister Raosaheb Danve- Shivsena Chief Uddhav Thackeray News
Bjp Minister Raosaheb Danve- Shivsena Chief Uddhav Thackeray NewsSarkarnama

नवी दिल्ली : पक्षप्रमुख उद्धव ठाकरे यांची शिवसेना नेते संजय राऊत यांनी घेतलेली मुलाखत आणि त्यातून त्यांनी मुख्यमंत्री एकनाथ शिंदे, बंडखोर आमदार व भाजपवर केलेल्या हल्याचे पडसाद आता राजकीय वर्तुळात उमटायला लागले आहेत. केंद्रीय रेल्वे राज्यमंत्री रावसाहेब दानवे (Raosaheb Danve) यांनी उद्धव ठाकरे यांच्यावर टीका करतांना ` बंद खोलीत मुलाखत काय देता, मोकळ्या मैदानात या, लोकांच्यासमोर भाषण करा, या फिक्स मॅचला लोक आता कंटाळले आहेत`, असा टोला दानवे यांनी लगावला. मुलाखत घ्यायचीच असेल तर राऊतांनी एकनाथ शिंदे, फडणवीस, राज ठाकरे यांची देखील घ्यावी, असे आवाहन देखील दानवेंनी केले.

दिल्लीत प्रसार माध्यमांशी बोलतांना दानवे यांनी (Uddhav Thackeray) ठाकरेंच्या मुलाखतीतील अनेक मुद्यांना हात घातला. मुख्यमंत्री एकनाथ शिंदे हे उद्या पंतप्रधान पदावर देखील दावा सांगतील, असा टोला ठाकरे यांनी लगावला होता. (Maharashtra) यावर दानवे म्हणाले, काहीतरी बोलायचे म्हणून ठाकरे बोलत आहेत, शिंदे यांचा पंतप्रधान पदावर डोळा आहे, असे म्हणणे हास्यास्पद आहे. उलट ठाकरेंचाच पंतप्रधान पदावर डोळा आहे. त्यांचे नेते नेहमी ठाकरेंना देशाचे नेतृत्व करायचे आहे असे सांगत असतात.

भाजप-शिंदे सरकार स्थापन झाल्यानंतर फडणवीस यांना उपमुख्यमंत्री करण्यात आले, यावर `ये उपरवाले की मर्जी`, असा चिमटा ठाकरेंनी आपल्या मुलाखतीतून काढला होता. त्यालाही दानवेंनी प्रत्युत्तर दिले. दानवे म्हणाले, आमचा पक्ष कसा चालवायचा, कुणाला कोणते पद द्यायचे हे ठरवण्यासाठी आमचे नेते सक्षम आहेत, ठाकरेंनी त्याची चिंता करू नये.

Bjp Minister Raosaheb Danve- Shivsena Chief Uddhav Thackeray News
राणे म्हणजे भाजपने फेकलेल्या तुकड्यावर जगणारे खरे सुपारीबाज ; शिवसेनेचा प्रहार..

बिहारमध्ये भाजपचे मुख्यमंत्रीपदासाठी आवश्यक संख्याबळ असतांना देखील आम्ही नितीशकुमार यांना मुख्यमंत्री केले होते, कारण आमचा पक्ष दिलेला शब्द पाळतो. तोच पॅटर्न आम्ही महाराष्ट्रात राबवून एकनाथ शिंदे यांना मुख्यमंत्री केले तर तुमचे पोट का दुखते ? असा सवाल देखील दानवेनी केला. तुम्ही तर बाळासाहेबांचे स्वप्न पुर्ण करण्यासाठी मी मुख्यमंत्री झालो असे सांगता, पण एकनाथ शिंदे यांनीच खऱ्या अर्थाने बाळासाहेबांचे स्वप्न पुर्ण केले आणि एक शिवसैनिक मुख्यमंत्री झाला, असेही दानवे म्हणाले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in