Vadwani APMC Election : महाविकास आघाडीने खाते उघडले,वडवणीत एकहाती सत्ता..

Beed : वडवणी बाजार समिती निवडणुकीत राष्ट्रवादीचे आमदार प्रकाश सोळुंके, माजी आमदार केशव आंधळे यांच्या नेतृत्वाखालील महाविकास आघाडीच्या (Mahavikas Aghadi) पॅनलने सर्व १८ जागा जिंकत दणदणीत विजय मिळवला. भाजप प्रणित विरोधी पॅनलला इथे एकही जागा जिंकता आली नाही. महाविकास आघाडी विरुद्ध भाजपच्या पॅनलमध्ये इथे थेट लढत होती.

राष्ट्रवादीचे आमदार प्रकाश सोळुंके (Prakash Solanke) व माजी आमदार केशव आंधळे यांच्या नेतृत्वाखाली शेतकरी महाविकास आघाडीचे पॅनल तर त्यांच्या विरोधात राजाभाऊ मुंडे यांचे पॅनल होते. दोन्ही बाजूंनी जोरदार प्रचार करण्यात आला होता. त्यामुळे दोन्ही पॅनलमध्ये जोरदार लढत होईल असे अपेक्षित होते, मात्र (Mahavikas Aghadi) महाविकास आघाडीने एकहाती सत्ता मिळवत विरोधकांना धूळ चारली.

भाजपसाठी हा मोठा धक्का समजला जात असून महाविकास आघाडीने मात्र जिल्ह्यातील बाजार समिती निवडणुकीत आघाडी घेतल्याचे चित्र आहे. (Beed) कृषी उत्पन्न बाजार समिती निवडणुकीचा पहिला निकाल महाविकास आघाडीच्या बाजूने! वडवणी कृषी उत्पन्न बाजार समिती निवडणुकीत आमदार प्रकाश दादा सोळंके यांच्या नेतृत्वात राष्ट्रवादी काँग्रेस व महाविकास आघाडीचे सर्व १८ सदस्य विजयी. या विजयाचे वाटेकरी असलेल्या सर्व कार्यकर्ते व मतदारांचे अभिनंदन!, असे ट्विट करत धनंजय मुंडे यांनी आनंद व्यक्त केला आहे.

विजयी उमेदवार.

सोसायटी मतदार संघ : १) खोटे रोहिदास अश्रुबा २)गरड शिवाजी आनंदराव ३)नाईकवाडे नंदकुमार निवृत्ती ४) मस्के दिनेश बन्सीधरराव ५) शेळके प्रदीप राजेंद्र ६)शिंदे अमरसिंह पंजाबराव ७) शिंदे संभाजी मुरलीधर ८) शेख दिलशादबी समशेर ९) शेळके अनुराधा नारायण १०) चोले अनिल अश्रुबा ११) शिंदे विश्वनाथ भगवान. ग्रामपंचायत मतदार संघ : १२) बादाडे अतुल बंडू १३) लंगडे सचिन सुखदेवराव १४) मांजरे बबन धुराजी १५) कदम अभिमान अर्जुन. व्यापारी मतदार संघ : १६) अंडील पांडुरंग अंबादास १७) धस रणजीत मधुकर, तर मापाडी मतदार संघ १८) साळवे भिकाराम धर्मराज.