Marathwada : नांदेडातील `भारत जोडो` ने अशोक चव्हाणांचे वजन वाढले..

येणाऱ्या विधानसभा निवडणुकीत अशोकराव कॉंग्रेसचे मुख्यमंत्री पदाचे उमेदवार असू शकतात. असा अंदाज बांधला जात आहे. (Ashok Chavan)
Bharat Jodo Yatra In Mahrashtra News, Aurangabad
Bharat Jodo Yatra In Mahrashtra News, AurangabadSarkarnama

नांदेड : कॉंग्रेसची भारत जोडो यात्रा आज मराठवाड्यातून नाना पटोले यांच्या विदर्भात जाणार आहे. राहुल गांधी यांच्यासोबत कॉंग्रेसचे राज्यातील दिग्गजही चालत आहेत. सुरुवातीला देगलूरमध्ये माजी मुख्यमंत्री पृथ्वीराज चव्हाण, सुशीलकुमार शिंदे यांनी या पदयात्रेत काही अंतरापर्यंत सहभाग घेतला. पटोले देगलूरपासून चालत आहेत. शिंदे यांच्या कन्या प्रणिती याही चालत आहेत. बाळासाहेब थोरात, भाई जगताप यांचाही सक्रिय सहभाग आहे.

Bharat Jodo Yatra In Mahrashtra News, Aurangabad
Marathwada : पाचवेळा आमदार, दोनदा मंत्री झालेल्या भुमरेंच्या मतदारसंघात शिवसेना जोर लावणार..

लातूरच्या देशमुख बंधुंनी हिंगोलीत जोरदार स्वागत केले पण, या सगळ्यांमध्ये चालता-चालता पक्षात वजन वाढले ते माजी मुख्यमंत्री अशोकराव चव्हाण (Ashok Chavan) यांचे. महाराष्ट्रात अशोकरावांनी या यात्रेचे उस्फूर्त स्वागत केले. देगलूर येथे यात्रेच्या स्वागतासाठी ४०-५० हजारांची गर्दी होती. (Nanded) नांदेड जिल्ह्यात सर्वत्र दहा-पंधारा फुटांच्या अंतरावर मोठे स्वागत फलक दिसत होते. त्यावर अशोकरावांसह त्यांच्या कन्येचेही छायाचित्र होते.

देगलूर ते नांदेड रस्त्यावर असलेल्या कृष्णूर येथे तर कॉर्नर सभेसाठीही ५० हजारांची गर्दी होती. ते बघून राहुल यांचा उत्साह वाढला, ते ३१ मिनिटे बोलले. कॉर्नर सभा जाहीर सभा झाली. नांदेड येथे झालेल्या जाहीर सभेत राहुल यांचे भाषण सुरू असताना मागे मोठ्या स्क्रीनवर अशोकराव यांचे राजीव गांधी, सोनिया गांधी, राहुल गांधी यांच्यासोबतची छायाचित्रे झळकत होती. एकूणच काय तर भारत जोडो यात्रेच्या माध्यमातून अशोकरावांनी जोरदार शक्तिप्रदर्शन केले.

मुलगी सुजया यांनाही राजकारणाची वाट दाखवली. त्यामुळे येणाऱ्या विधानसभा निवडणुकीत अशोकराव कॉंग्रेसचे मुख्यमंत्री पदाचे उमेदवार असू शकतात. असा अंदाज बांधला जात आहे. पहिल्या तीन सभेत भाषण करताना अशोकरावांनी भाजपवर सौम्य टीका केली. त्यामुळे अशोकरावांच्या या सावध भूमिकेमुळे त्यांच्या मनात चाललेय तरी काय असा प्रश्न सगळ्यांनाच पडला होता.

त्यानंतर मात्र नांदेड येथे झालेल्या जाहीर सभेत अशोकरावांनी भाजपवर जोरदार हल्ला केली. राज्य-केंद्र शासन यांच्यावर चौफेर टीका केली. नांदेड येथील सभेला लाखोचा जनसमुदाय उपस्थित होता. शिवाय अशोक चव्हाण यांचा यात्रेत असलेला सक्रिय सहभाग बघता ते भाजपमध्ये जाणार या चर्चेला पूर्णविरामही मिळाला आहे. या यात्रेदरम्यान देगलूर ते नांदेडपर्यंत तीन कॉर्नर सभा आणि नांदेड येथे एक जाहीर सभा झाली.

Bharat Jodo Yatra In Mahrashtra News, Aurangabad
Shivsena : `मी शिवसेनेचा वारकरी, माझा विठ्ठल घरोघरी`, पायी दिंडी जालना मतदारसंघात..

नांदेड जिल्ह्यात प्रत्येक फलकावर अशोक चव्हाणांचे छायाचित्र दिसत होते. पण, हिंगोली जिल्ह्यात यात्रेने प्रवेश करताच एका फलकावर आमदार प्रज्ञा सातव यांचे छायाचित्र होते तर दुसर्‍या फलकावर नव्हते. कार्यकर्त्यांनी आपापल्या सोयीने फलक लावले होते.

हिंगोली जिल्ह्यातील नियोजन माजी मंत्री अमित देशमुख, आमदार धीरज देशमुख यांनी केले. त्यांनी हिंगोलीच्या सीमेवर यात्रेचे जोरदार स्वागत केले. सातवांच्या कळमनुरीतही राहुल यांचे स्वागत झाले. ‌पण, तिथे गटबाजी दिसून आली.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in