कुठल्याही कपाती-कर्ज वसुलीशिवाय शेतकऱ्यांच्या खात्यात मदत जमा होणार!

(Guardian Minister Dhnanjay Munde) शेतकऱ्यांच्या खात्यात या रक्कमा दिवाळीपूर्वी जमा होतील हे आता निश्चित झाले आहे.
कुठल्याही कपाती-कर्ज वसुलीशिवाय शेतकऱ्यांच्या खात्यात मदत जमा होणार!
Guardian Minister Dhnanjay MundeSarkarnama

बीड : राज्य शासनाने ऑगस्ट व सप्टेंबर महिन्यात राज्यात अतिवृष्टीने झालेल्या नुकसानीच्या अनुषंगाने २८६० कोटी रुपयांची प्राथमिक मदत काल अध्यादेश जारी करून महसुली यंत्रणेमार्फत वितरित करण्याचे घोषित केले होते. त्यानंतर बीड जिल्ह्याचे पालकमंत्री धनंजय मुंडे यांनी ही मदत शेतकऱ्यांना दिवाळीच्या पूर्वी त्यांच्या खात्यात मिळावी यानुषंगाने यंत्रणांना तातडीने कामाला लावले.

बीड जिल्हा प्रशासनाने २४ तासांच्या आत यासंदर्भातील कार्यवाही पूर्ण केली असून आज तहसीलदारांमार्फत तालुका स्तरावर ही मदत वितरित करण्याचे आदेश दिले आहेत. राज्य शासनाने मदत जाहीर केल्यानंतर बीड जिल्ह्याच्या वाट्याला मराठवाड्यात सर्वाधिक ५०२.३७ कोटी रुपये मदत मिळणार आहे.

ही रक्कम अर्थसंकल्पीय वितरण प्रणालीद्वारे जिल्ह्यातील सर्व संबंधित तहसीलदारांना उपलब्ध करून देत वितरण करण्यासंबंधीचे आदेश आज जिल्हाधिकारी राधाबिनोद शर्मा यांनी दिले. संबंधित तहसीलदारांनी या रक्कमा महसुल व कृषी विभागाने केलेल्या पंचनाम्यांच्या आधारे लाभार्थी शेतकऱ्यांच्या खात्यात तातडीने थेट जमा कराव्यात असेही या आदेशद्वारे स्पष्ट करण्यात आले आहे.

त्यामुळे शेतकऱ्यांच्या खात्यात या रक्कमादिवाळीपूर्वी जमा होतील हे आता निश्चित झाले आहे. दरम्यान पालकमंत्री धनंजय मुंडे यांनी सदर वितरणासाठी जिल्ह्यास आवश्यक निधी उपलब्ध करून देण्यात आलेला आहे, त्याचे विना व्यत्यय तातडीने वितरण व्हावे तसेच शेतकऱ्यांना वितरण करताना कोणतीही कपात किंवा वसुली या रक्कमेतून करण्यात येऊ नये असे स्पष्ट निर्देश दिले आहेत.

Guardian Minister Dhnanjay Munde
शरद पवारांविषयी अपशब्द बोलणारे भाजप अध्यात्मिक आघाडीचे तुषार भोसले पळाले!

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.