Beed News : सरपंच पदाच्या उमेदवाराच्या निशाणीसमोरील बटनावर फेविक्वीक टाकले..

Gram Panchayat Election : जिल्ह्यातील ७०४ ग्रामपंचायतीसाठी मतदान सुरू असतांना एका गावात ईव्हीएम मशीनमधील सरपंच पदाच्या उमेदवारासमोरील निशाणीचे बटन टक्क फेवीक्वीक टाकून ब्लाॅक केल्याचा धक्कादायक प्रकार समोर आला आहे. Beed News

मतदान करतांना बटन दबत नसल्याचे समोर आल्यानंतर हा प्रकार लक्षात आला. बीड लिंबागणेश गावातील ग्रामपंचायत (Gram Panchayat Election) व सरपंचपदासाठी आज मतदान पार पडत आहे. (Beed) गावातील जिल्हा परिषेदेच्या शाळेत मतदान प्रक्रिया सुरळीत सुरु होती.

दरम्यान, सरपंच पदाचे उमेदवार गणेश कल्याण वाने यांच्या तीन नंबरवर असलेल्या शिटी निशाणीसमोरील बटणावर अज्ञात व्यक्तीने फेविक्विक टाकल्याचा प्रकार समोर आला. ईव्हीएम मशीनवरील बटण दबत नसल्याचे मतदारांच्या लक्षात आल्यावर हा सर्व प्रकार समजला.

त्यानंतर एक तास मतदान प्रक्रिया ठप्प झाली होती. उपविभागीय अधिकाऱ्यांनी मतदान केंद्राला भेट देत पाहणी केली. तसेच सरपंच पदाचे उमेदवार गणेश वाने यांना तक्रार देण्यास सांगितले. तक्रारीनंतर संबधित व्यक्तीवर गुन्हा दाखल दाखल करण्यात येणार आहे.