Devendra Fadanvis News : छत्रपती संभाजीनगर, धाराशीवची अधिसूचना आज किंवा उद्या..

Maharashtra : छत्रपती संभाजीनगर आणि धाराशीव असे नामांतर केल्यानंतर आज किंवा उद्याच या संदर्भातील अधिसूचना महसूल विभागाकडून काढली जाईल. त्यांनतर एअरपोर्ट, रेल्वे व इतर विभागांना यांना देखील कळवण्यात येईल, अशी घोषणा उपमुख्यमंत्री देवेंद्र फडणवीस (Devendra Fadanvis) यांनी केली. उद्यापासून सुरू होणाऱ्या अर्थसंकल्पीय अधिवेशनाच्या पुर्वसंध्येला घेण्यात आलेल्या पत्रकार परिषदेत ते बोलत होते.

छत्रपती संभाजीनगर आणि धाराशीव हे नामांतर फक्त शहर, तालुक्यापुरते नाही, तर संपुर्ण जिल्ह्यासाठी हा बदल असणार आहे. (Bjp) त्यामुळे कुणीही संभ्रम निर्माण करण्याचा प्रयत्न करू नये, असेही फडणवीसांनी (Devendra Fadanvis) स्पष्ट केले.

फडणवीस म्हणाले, एखाद्या शहराचं, तालुक्याचं किंवा जिल्ह्याचं नाव बदललं की त्या संदर्भातील अधिसूचना महसूल विभागाकडून काढली जाते. त्यानंतर हा बदल प्रत्यक्षात उतरतो. आज किंवा उद्या महसूल विभागाकडून या दोन्ही शहरांच्या नावातील बदलाच्या अधिसूचना काढण्यात येणार आहेत.

त्यामुळे नामांतराचा जो निर्णय झालेला आहे तो संपुर्ण जिल्ह्यासाठीचा आहे. त्यामुळे फक्त शहर, तालुका असा विषय नाही. जे नाव बदलण्यात आले आहे, ते संपुर्ण जिल्ह्याचे बदलण्यात आले आहे. शिवसेनाप्रमुख बाळासाहेब ठाकरे यांनी केलेली उस्मानाबाद आणि औरंगाबादच्या नामांतराची घोषणा एकनाथ शिंदे यांच्या नेतृत्वाखाली आमचे सरकार आल्यानंतर पुर्ण करता आली, याचे आम्हाला समाधान असल्याचेही फडणवीसांनी सांगितले.