Devendra Fadnavis : 'ही' गोष्ट केली नाही तर थेट मुख्यमंत्री होता येतं ; फडणवीसांचा सल्ला!

Devendra Fadnavis : शिवसंग्राम संघटनेचे दिवंगत नेते विनायक मेटे यांच्या प्रयत्नातून सुरू झालेल्या व्यसनमुक्ती कार्यक्रमाला उपमुख्यमंत्री देवेंद्र फडणवीस यांनी उपस्थित लावली. यावेळी भाषणादरम्यान त्यांनी एक विधान केले. व्यसन नाही केलं तर माणूस मुख्यमंत्री बनतो,असे फडणवीस म्हणाले. हे वक्तव्य केवळ व्यसनमुक्ती संबंधित होतं की, आपल्या प्रतिस्पर्धी, विरोधक यांना लागवलेला टोला होता, यावर चर्चा होताना दिसत आहे. ते आज बीड जिल्ह्यात बोलत होते.

नव्या वर्षाचे स्वागत करताना, तळीरामांकडून पार्ट्या केल्या जातात. वेगवेगळ्या पद्धतीचे व्यसनं, नशा केले जातात. अशावेळी याच काळात तरूणांनी व्यसनापासून दूर राहावे, यासाठी दिवंगत विनायक मेटे यांनी व्यसनमुक्तीसाठी पुढाकार घेऊन, असे कार्यक्रम घेण्यास सुरूवात केली. आता त्यांच्यानंतर ज्योती मेटे यांनी हा उपक्रम सुरूच ठेवला आहे, असेही फडणवीस म्हणाले. याप्रसंगी बोलताना फडणवीसांना गोपीनाथ मुंडे यांचेही स्मरण झाले. मुंडेना नमन करत, त्यांना स्वर्गीय विनायक मेटे यांना आदरांजली वाहिली होती.

पुढे बोलताना फडणवीस म्हणाले, चरस, गांजाच्या व्यसन केले जाते. दारू नाही, तर मसाला दूध घेतले पाहिजे, ही संकल्पना दिवंगत मेटे यांची होती.आज जेव्हा मी कार्यक्रमाला येत आहे, तेव्हा दुर्दैवाने मेटे साहेब आपल्यात नाहीत, ज्योतीताईंनी मला निमंत्रण दिले, हा वसा ज्योतीताई पुढे नेत आहेत, म्हणून या कार्यक्रमाला आज आलो. व्यसन जर नाही केलं, तर माणूस मुख्यमंत्री बनतो, असे फडणवीस यांनी म्हंटले. मेटे यांचं स्वप्न पूर्ण करण्यासाठी आपण ताकतीने शिवसंग्राम च्या मागे आहोत, असेही फडणवीस म्हणाले.