Beed News : अंबाजोगाई (जि. बीड) : कृषी उत्पन्न बाजार समितीच्या (Abajogai APMC News) सभापतीपदी राष्ट्रवादी काँग्रेसचे जिल्हाध्यक्ष ॲड. राजेश्वर चव्हाण यांना संधी मिळाली. ॲड. चव्हाण यांची निवड होताच राष्ट्रवादी काँग्रेसच्या गटाचे संचालक व माजी सभापती दत्तात्रय पाटील यांनी संचालक पदाचा तडकाफडकी बाजार समितीच्या सचिवांकडे दिला.
अंबाजोगाई कृषी उत्पन्न बाजार समितीच्या कार्यक्षेत्रात परळी मतदार संघाचाही मोठा भाग आहे. (Beed News) बाजार समिती निवडणुकीत आमदार धनंजय मुंडे यांच्या नेतृत्वाखाली माजी आमदार संजय दौंड, माजी आमदार पृथ्वीराज साठे व माजी नगराध्यक्ष राजकिशोर मोदी यांच्या प्रयत्नाने (Ncp) राष्ट्रवादी आघाडीने १८ पैकी १५ जागा जिंकत वर्चस्व मिळविले.
भाजपला तीन जागांवर समाधान मानावे लागले होते. शनिवारी सभापती व उपसभापती पदांची निवडणूक होती. (Marathwada) या निवडणुकीपूर्वीच सभापतीपदाच्या दावेदारात राष्ट्रवादी जिल्हाध्यक्ष ॲड. राजेश्वर चव्हाण यांच्यासह दत्तात्रय पाटील यांचेही नाव चर्चेत होते. आपल्याला सभापती पदासाठी शब्द दिला असल्याचा दावा दत्तात्रय पाटील यांनी केला.
दरम्यान, राजेश्वर चव्हाण अंबाजोगाई तालुक्यातील असले तरी त्यांचे कार्यक्षेत्र परळी मतदार संघात असल्याने त्यांना संधी भेटल्याचे मानले जात आहे. आपण स्वखुशीने राजीनामा दिला असून राष्ट्रवादीत ज्येष्ठ नेतृत्वाला किंमत नाही, अशा शब्दात दत्तात्रय पाटील यांनी आपली नाराजी व्यक्त केली. राजीनामा मंजूर झाल्यानंतर आपण पुढची भूमीका स्पष्ट करू असेही त्यांनी सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
