आर्यन खान प्रकरणातील साक्षीदार किरण गोसावीचा असाही फंडा.. घातला अनेकांना गंडा!

किरण गोसावी (Kiran Gosavi) याच्याविरोधात पालघरमध्ये (Palghar) तक्रार
Kiran Gosavi
Kiran Gosavisarkarnaam

पालघर : आर्यन खान (Aryan Khan) ड्रग्ज प्रकरणामध्ये एनसीबीने (NCB) किरण गोसावी (Kiran Gosavi याला साक्षीदार बनवला आहे. हाच साक्षीदार गोसावी याने पालघर तालुक्यामधील अनेक तरुणांची फसवणूक करून त्यांना परदेशात कामाला लावतो असे सांगून लाखो रुपयांचा गंडा घातल्याचा प्रकार उघड झाला आहे.

पुणे पाठोपाठ पालघरमधील तरुणांनाही त्याने परदेशात नोकरी देतो, असे सांगून गंडा घातला आहे. पालघर तालुक्यातील एडवण या गावातील उत्कर्ष तरे व आदर्श किणी या दोन तरुणांची त्याने दोन वर्ष आधी फसवणूक केली होती. या दोन तरुणांना मलेशिया येथे कामाला लावतो असे सांगून त्यांच्याकडून दीड लाख रुपये गोसावी याने उकळली असल्याचे समोर आल्याने किरण गोसावी अडचणीत आला आहे.

Kiran Gosavi
क्रुझवरील 'त्या' दोघांपैकी एक भाजप नेत्याचा मेव्हणा, म्हणून NCBने त्याला सोडले';पाहा व्हिडिओ

नवी मुंबई येथील के. पी. इंटरप्राईज या कार्यालयातून तो हे फसवणुकीची रॅकेट चालवत होता,असे उत्कर्षने सांगितलं. दोन दिवसांपूर्वी उत्कर्ष याने आर्यन खान प्रकरणात टीव्हीवर सुरू असलेल्या बातम्या पहिल्या व आर्यन सोबत सेल्फी असलेला किरण गोसावी याच व्यक्तीने आपली फसवणूक केल्याचे उत्कर्षला समजले. दोन तीन वर्षांपूर्वी उत्कर्ष व त्याचा भाऊ आदर्श नोकरीच्या शोधात असताना किरण गोसावी याची सुरुवातीला फेसबुकवरून मैत्री झाली. उत्कर्ष व आदर्श याला मलेशियाला कामाला लावतो असे सांगितल्यानंतर दोघांकडून गोसावी याने दीडलाख रुपयांची मागणी केली. त्यानुसार दोघांनीही गोसावी याच्या के.पी.इंटरप्राईज या बँक खात्यात पैसे दिले. त्यानंतर त्याने दोघांनाही विमानाचे तिकीट व व्हिसा दिला.

Kiran Gosavi
आर्यन खानसाठी सुनील शेट्टी मैदानात..नेटकरी म्हणतात, “उडत्या बॉलिवूड”वर गप्प का?”
Kiran Gosavi
Kiran Gosavisarkarnama

कोचीन विमानतळावर पोहोचल्यानंतर विमानाचे तिकीट व व्हिसा बोगस असल्याचे कळाल्यानंतर या दोघांनाही धक्का बसला. इथून ते पालघर येथे आले व पालघर येथे आल्यानंतर आपली फसवणूक झाल्याचे लक्षात येत या प्रकरणी त्यांनी केळवा सागरी पोलिसात तक्रार दाखल करण्यासाठी गेले होते. मात्र केळवे पोलिसांनी त्याची तक्रार घेतली नाही. म्हणून दोघांनीही तक्रार अर्ज दाखल केला. त्यानंतर दोन वर्षे उलटूनही पोलिसांनी कोणतीही कारवाई केली नसल्याचे उत्कर्ष याने सांगितले आहे. गोसावी याने माझ्यासारख्या अनेक तरुणांची फसवणूक केल्याची दाट शक्यता असल्याचे उत्कर्ष याने सांगितले असून आमच्या फसवणूक प्रकरणांमध्ये किरण गोसावी याला पोलिसांनी पकडून त्याच्यावर कायदेशीर कारवाई करावी व आम्हाला न्याय मिळवून द्यावा असे सांगितले.

याप्रकरणी केळवे सागरी पोलीस ठाण्याचे पोलीस निरीक्षक भीमसेन गायकवाड यांच्याशी संपर्क साधला असता दोन दिवसापूर्वी या प्रकरणातील फसवणूक झालेल्या एडवण मधील तरुणांचा अर्ज पोलीस ठाण्यात आलेला आहे त्याची चौकशी सुरू आहे, असे सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com