Bhaskar Jadhav News : "ज्यांच्यात नाही दम, ते रामदास कदम" ; भास्कर जाधवांची बोचरी टीका!

Kokan News : मुख्यमंत्री एकनाथ शिंदे (Eknath Shinde) यांच्या शिवसेनेचे नेते रामदास कदम यांची आज खेड येथे होम ग्राऊंडवर सभा होत आहे. गोळीबार मैदानातील कदमांच्या सभेला मुख्यमंत्री शिंदे उपस्थित राहणार आहेत. या सभेतून शिवसेना ठाकरे गटाचे प्रमुख उद्धव ठाकरे (uddhav Thackeray) यांना करारा जवाब मिलेगा, असं दावा शिंदे गटाकडून करण्यात येत आहे. मात्र सभेआधीच दोन्ही गटांमध्ये टिका टिपण्णी होत आहे. ठाकरे गटाचे नेते भास्कर जाधव यांनी कदमांवर बोचरी टीका केली आहे.

भास्कर जाधव म्हणाले, “ज्यांच्यात नाही दम ते रामदास कदम. करारा जवाब, द्यायचा असेल तर आधी तुमच्यात दम असायला लागतो. २००९ च्या विधानसभा निवडणुकीत रामदास कदमांचा पराभव मी नाही तर उद्धव ठाकरेंनी केल्याचा आरोप ते करतात. तसेच, योगेश कदम याची राजकीय करिअर संपण्यासाठी ठाकरेंनीच कट केला असा आरोपही रामदास कदम करतात, पण रामदास कदम हे एका विशिष्ट मतदारसंघापुरतेच मर्यादीत आहेत. मग हे काय करारा जबाब देणार.”

“यामुळे बेडूक कितीही मोठा फुगवण्यात आला, तरी ते काय डोंगर किंवा बैल होऊच शकत नाही. रामदास कदम नावाची बेडूक किंवा शिंदे गट कोकणात बोलून फुगेल. मात्र निवडणुकीत लोकच फुगलेल्यांना टाचणी लावून हा फुगा फोडलीत,” अशी ही टीका जाधव यांनी केली.

रामदास कदम यांनी भास्कर जाधवांवार जोरदार प्रहार केला होता :

“२०२४ च्या विधानसभेत भास्कर जाधवांनी आमदार होऊनच दाखवावं. यापुढे काहीही झालं तरी भास्कर जाधवाला पुन्हा आमदार होऊच देणार नाही. भास्कर जाधवांना राजकारणात गाडल्याशिवाय राहणार नाही,” असा इशारा रामदास कदम यांनी दिला होता.