Ratnagiri News : रत्नागिरीच्या दापोलीतील साई रिसोर्टप्रकरणी आज तिसरी अटक झाली आहे. याआधी सदानंद कदम, जयराम देशपांडे आणि आज सुधीर पारदुले यांना पोलिसांनी अटक केली आहे.
सुधीर पारदुले यांना अटक करण्यात आल्यानंतर भाजप नेते किरीट सोमय्या यांनी ट्वीट करत याबाबतची माहिती दिली. तर पारदुले यांना दोन दिवसांची पोलीस कोठडी सुनावण्यात आली आहे.
साई रिसॉर्टच्या कामासाठी बेकायदेशीर परवानगी दिल्याच्या आरोपानंतर जयराम देशपांडे यांना दोन दिवसांपूर्वी अटक करण्यात आली. त्या आधी ठाकरे गटाचे नेते अनिल परब यांचे निकटवर्तीय आणि रामदास कदम यांचे बंधू सदानंद कदम यांना ईडीने अटक केली होती.
सदानंद कदम यांची ईडी कोठडी आज संपली. त्यानंतर ईडीने त्यांची वाढवून मागितलेली कोठडीची मागणी न्यायालयाने फेटळली. तसेच सदानंद कदम यांना १४ दिवसांची न्यायालयीन कोठडी दिली आहे.
दरम्यान, सदानंद कदम हे अनिल परबांचे व्यावसायिक भागीदार असल्याचं सांगण्यात येत आहे. त्यामुळे अनिल परबांच्या अडचणी देखील वाढण्याची शक्यता आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
