गुणरत्न सदावर्तेंनी दिली "एक मराठा-लाख मराठा"ची घोषणा...

सातत्याने मराठा आरक्षण विरोधी भूमिका घेण्यासाठी अॅड. सदावर्ते यांना ओळखले जाते.
गुणरत्न सदावर्तेंनी दिली "एक मराठा-लाख मराठा"ची घोषणा...
Gunaratna SadavarteSarkarnama

मुंबई : खोत-पडळकरांच्या आंदोलन स्थगितीच्या भूमिकेकडे कामगारांनी पाठ फिरवली असून विलीनीकरण होईपर्यंत लढा सुरुच राहणार असल्याचे या प्रकरणातील वकिल गुणरत्न सदावर्ते यांनी स्पष्ट केले आहे. ते आझाद मैदानात कर्मचाऱ्यांशी बोलत होते. मात्र या दरम्यान सदावर्ते यांनी दिलेल्या एका घोषणेने सगळ्यांचेच लक्ष वेधले. सातत्याने मराठा आरक्षण विरोधी भूमिका घेणाऱ्या, न्यायलयात खटला लढवणाऱ्या अॅड. सदावर्ते यांनी आज थेट "एक मराठा-लाख मराठा"ची घोषणा दिल्याने सगळ्यांच्याच भुवया उंचावल्या.

सदाभाऊ खोत आणि गोपीचंद पडळकर यांच्या आंदोलन स्थगितीच्या घोषणेनंतर अॅड. सदावर्ते यांनी या आंदोलनाबाबतची भूमिका मांडली आणि पुढेही आंदोलन सुरुच राहणार असल्याचे सांगितले. मात्र याबाबात कर्मचाऱ्यांशी बोलताना सुरुवातीलाच सदावर्ते यांनी एक मराठा-लाख मराठा"ची घोषणा दिली. तसेच मी घटनेने चालतो, "एक मराठा लाख मराठा" ही शक्ती देणारी घोषणा आहे, ही जातीय घोषणा नाही असेही सदावर्ते यांनी स्पष्ट केले.

Gunaratna Sadavarte
खोत-पडळकरांच्या भूमिकेकडे कामगारांची पाठ, विलीनीकरणाचा लढा सुरु राहणार

कामगारांना संदेश देताना अॅड. सदावर्ते यांना सुरुवातीला माईकची अडचण आली होती. मात्र ते म्हणाले, माझ्या आवाजाला माईकची गरज नाही. माईकवाले निघून गेले, असे म्हणत त्यांनी सदाभाऊ खोत आणि गोपीचंद पडळकर यांना टोला लगावला. तसेच सरकारने तुटपुंजी वेतनवाढ दिली पण कर्मचाऱ्यांनी वेतनवाढीची नाही, तर विलीनीकरणाची होती आणि आहे. त्यामुळे वेतनवाढ दिली तरी विलीनीकरण होईपर्यंत लढा सुरुच राहणार असल्याचेही सदावर्ते यांनी सांगितले.

Gunaratna Sadavarte
ST Strike : आझाद मैदानातील आंदोलनातून सदाभाऊ खोत, गोपीचंद पडळकरांची माघार!

सदाभाऊ खोत, गोपीचंद पडळकर यांची पत्रकार पोलीस गराड्यात अजित पवार, अनिल परब यांनी करायला लावली. यात त्यांनी सदाभाऊ स्वतःसाठी स्वतः स्थगिती देऊन टाकली. पण पडळकर-सदाभाऊ खोत यांनी आंदोलनाला दिलेल्या स्थगितीला कामगार ठुकारत आहेत. असेही अॅड. सदावर्ते यांनी स्पष्ट केले. तसेच या दोन आमदारांना या आंदोलनातून आझाद करत आहे. काही दिवस कामगारांच्या भावना म्हणून हे दोघे आझाद मैदानात बसले होते, अशी टिका त्यांनी केली.

अॅड. सदावर्ते यांनी राष्ट्रवादी काँग्रेस पक्षाचे अध्यक्ष शरद पवार यांच्यावरही फोडाफोडीच्या राजकारणाचा आरोप केला. ते म्हणाले, शरद पवार यांनी कष्टकऱ्यांना तोडण्यासाठी, भांडण लावून तोडण्याचा प्रयत्न केला. दोन भावाभावांत भांडण लावणारे तुम्ही आहात. तुम्ही आमच्यात फूट पाडली. पण जो निर्णय झाला ती एक प्रकारे फसवणूक आहे. शिवसेना नेते संजय राऊत यांच्यावर टिका करताना सदावर्चे म्हणाले, संजय राऊत यांचे रोखठोक फक्त शिवसेनेसाठी आहे, बाकी कुठेच रोख ठोक नाही. संजय राऊत यांनी या कष्टकऱ्यांसाठी का लिहले नाही? असा सवाल त्यांनी केला.

Related Stories

No stories found.
Sarkarnama
www.sarkarnama.in