संभाजी भिडे यांच्यावरही कारवाईचा राष्ट्रवादी काँग्रेसचा स्थगन प्रस्ताव फेटाळला 

मुंबई : मिलिंद एकबोटे प्रमाणेच संभाजी भिडे यांच्यावरही कारवाईचा राष्ट्रवादी काँग्रेसचा स्थगन प्रस्ताव विधान परिषदेत आज  फेटाळनयेत आला . 

भिमा-कोरेगाव घटनेसंदर्भात मिलिंद एकबोटे यांचा सर्वोच्च न्यायालयाने जामीन नाकारल्यामुळे नाईलाजाने पोलिसांनी त्यांना अटक केली आहे. यात सरकारचे कोणतेही श्रेय नाही. पण आता एकबोटे यांच्याप्रमाणेच भिडे यांच्यावरही कारवाई करावी, या मागणीसाठी राष्ट्रवादी काँग्रेसच्या आमदार विद्या चव्हाण, अॅड. जयदेव गायकवाड ,प्रकाश गझबिये  यांनी २८९ द्वारे स्थगन प्रस्ताव मांडून चर्चा करण्याची मागणी केली. दरम्यान, हा स्थगन प्रस्ताव फेटाळण्यात आला.

नियम ९७ अन्वये मुख्यमंत्र्यांनी विधानपरिषदेत निवेदन केले होते. या निवेदनात तक्रार दाखल असलेले मनोहर भिडे यांच्या नावाचा उल्लेख नव्हता. मुख्यमंत्र्यांनी संभाजी उर्फ मनोहर भिडे यांना वाचवण्यासाठी जाणीवपूर्वक त्यांच्या नावाचा उल्लेख टाळला, असा आरोपही या वेळी राष्ट्रवादीच्या आमदारांनी विधिमंडळात केला.