SHOCKING : कोरोनाविरोधात लढणाऱ्या आरोग्यकर्मचाऱ्यांवरच दगडफेक, सर्वत्र संताप 

SHOCKING : कोरोनाविरोधात लढणाऱ्या आरोग्यकर्मचाऱ्यांवरच दगडफेक, सर्वत्र संताप 

कोरोनाचे संकट आपल्याकडे दिवसेंदिवस वाढत असताना काही मंडळी मात्र बेफिकीर असल्याचे दिसून येत आहे.

इंदूर (मध्यप्रदेश) : कोरोनाला रोखण्यासाठी देशभर डॉक्‍टर्स, नर्स तसेच आरोग्य कर्मचाऱ्यांसह पोलिसही जिवावर उदार होऊन काम करीत असताना त्यांनाच काही मंडळी लक्ष्य करीत आहेत. मध्यप्रदेशातील इंदूर येथील तटपट्टी बखल भागात आरोग्य कर्मचाऱ्यांवर तुफान दगडफेक केल्याने प्रचंड गोंधळ उडाला. 

एकीकडे रस्त्यावर येण्यास केंद्र सरकारने बंदी घातली असताना काही लोक एकत्र जमतात काय ? हातात दगड घेतात आणि आरोग्य कर्मचाऱ्यांच्या दिशेन भिरकावतात हे सर्व संताप आणि चीड आणणारे आहे. कोरोनाचे संकट आपल्याकडे दिवसेंदिवस वाढत असताना काही मंडळी मात्र बेफिकीर असल्याचे दिसून येत आहे. 

नवी दिल्लीत भरलेल्या तबलिगी संमेलनात देशाच्या कानाकोपऱ्यातून मोठ्या संख्येने लोक सहभागी झाले होते त्याचे परिणाम आता प्रत्येक राज्यात दिसून येत असून या संमेलनाला उपस्थित राहिलेल्यांना कोरोनाची लागन झाल्याचे दिसून येत आहे. त्यामुळे आरोग्य कर्मचाऱ्यांवरही कामाचा ताण वाढत आहे.

 कोरोनाचा मुकाबला करायचा असेल जात, धर्म, पंथ विसरून सर्वांनी सहकार्य करण्याची गरज असताना काही विकृत मंडळींना कोरोनाची भिती वाटत नाही. मध्यप्रदेशात आरोग्य कार्मचाऱ्यावर दगडफेक करणाऱ्यांना कठोर कारवाई करावी अशी मागणी आता जोर धरू लागली आहे. सोशल मीडियावर हा व्हिडिओ व्हायरल झाला असून लोक संताप व्यक्त करीत आहेत. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com