बीड : काही बड्या दुध संघांनी अचानक दुधाचे भाव कमी केले आहेत. चार दिवसांपूर्वी ३४ रुपये लिटर असणारा दुधाचा दर आता २० रुपये लिटर झाला आहे. यामुळे दुध उत्पादकांचे कंबरडे मोडणार आहे. सरकारने या दुध उत्पादकांना मदत द्यावी, अशी मागणी भाजप आमदार सुरेश धस यांनी केली.
सोनाई, नॅचरल डिलाईट या संघांनी २० रुपये लिटर दर केला आहे. तर, पारस या दुध संघाने बंद करणार असल्याचे कळविले आहे. अचानक ३४ रुपयांचा दर २० रुपये लिटर झाल्याने दुध उत्पादकांचे मोठे नुकसान होणार आहे. त्यामुळे अलिकडे या व्यवसायात येऊन चांगले उत्पादन करणाऱ्यांचे मोठे नुकसान होणार असल्याचे सुरेश धस म्हणाले. दुग्धविकास मंत्र्यांनी दुधाच्या दराबाबत बैठक घ्यावी. मागच्या सरकारने दुध उत्पादक शेतकऱ्यांना सरकारने प्रतिलिटर पाच रुपये अनुदान दिले होते. आताच्या सरकारनेही अनुदान द्यावे, अशी मागणी आमदार सुरेश धस यांनी केली. अन्यथा या दुध उत्पादकांचे कंबरडे मोडेल, अशी भीतीही श्री. धस यांनी व्यक्त केली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.