जेंव्हा माजी मंत्री लक्ष्मण ढोबळे प्रचार फेरीत नाचतात (व्हिडिओ)

पंढरपूर : पंढरपूर विधानसभा मतदारसंघातील निवडणुकीतील प्रचार इतका शिगेला पोहचला आहे. माजी मंत्री लक्ष्मण ढोबळे यांनी सुधाकरपंत परिचारक यांच्या प्रचार फेरीत हालगीच्या तालावर डान्स केला आहे. मतदारसंघात याचीच चर्चा सुरू आहे.

पंढरपूर विधानसभा मतदारसंघात राष्ट्रवादी काँग्रेसचे भारत भालके विरुद्ध भाजपचे सुधाकरपंत परिचारक यांच्यात चुरशीची लढत सुरू आहे. काल पंढरपूरात सुधाकरपंत परिचारक यांच्या प्रचारासाठी एक प्रचार फेरी सुरू होती. यात भाजप महिला प्रदेशाध्यक्ष चित्रा वाघ सुध्दा सहभागी होत्या.यावेळी माजी मंत्री लक्ष्मण ढोबळे यांनी हलगीच्या तालावर चक्क डान्स केला. 

प्रचार फेरीत सहभागी लोकासोबत ते डान्स करत असल्याचा व्हिडीयो सगळी कडे व्हायरल झाला आहे. या मुळे मंगळवेढ्यातून आमदार राहिलेल्या माजी मंत्री लक्ष्मण ढोबळे यांनी केलेल्या डान्सची चर्चा सुरू आहे.