राधानगरीतून यावेळी शिवसेनेला मताधिक्‍य: आ.प्रकाश अबीटकर  

शिवसेनेचे उमेदवार प्रा. संजय मंडलिक यांना मताधिक्‍य असेल.-आ. प्रकाश अबीटकर
MLA-Prakash-Abitkar
MLA-Prakash-Abitkar

कोल्हापूर :  लोकसभेच्या 2014 च्या निवडणुकीत राधानगरी-भुदरगड विधानसभा मतदार संघातून राष्ट्रवादीचे खासदार धनंजय महाडिक यांना मताधिक्‍य होते, यावेळी श्री. महाडिक यांना नाही तर शिवसेनेचे उमेदवार प्रा. संजय मंडलिक यांना मताधिक्‍य असेल, असा विश्‍वास या मतदार संघाचे शिवसेनेचे आमदार प्रकाश अबीटकर यांनी 'सरकारनामा' शी बोलताना व्यक्त केला. 

लोकसभा निवडणुकीचा निकाल आठ दिवसांवर येऊन ठेपला आहे. या पार्श्‍वभुमीवर श्री. अबीटकर यांच्याशी संपर्क साधला. 2014 च्या निवडणुकीत या मतदार संघात श्री. महाडिक यांना तब्बल 24 हजारांचे मताधिक्‍य होते. यावेळी मात्र राजकीय गणिते वेगळी आहेत. 2009 च्या निवडणुकीत याच मतदार संघातील मतदारांनी कै. सदाशिवराव मंडलिक यांना विक्रमी म्हणजे तब्बल 44 हजारांचे मताधिक्‍य दिले होते. या पार्श्‍वभुमीवर त्यांचे पुत्र प्रा. मंडलिक यांना किती मताधिक्‍य मिळेल असे श्री. अबीटकर यांना विचारले. 

ते म्हणाले,"यावेळी आमच्या (प्रा. मंडलिक) उमेदवारालाचा चांगले मताधिक्‍य असेल. गेल्या निवडणुकीत विरोधी उमेदवार श्री. महाडिक यांना मताधिक्‍य होते, ते यावेळी त्यांना मिळणार नाही, उलट आम्हाला ते मताधिक्‍य मिळेल. पण किती मताधिक्‍य असेल हे सांगणे कठीण आहे. लोकांचा अंदाज आलेला नाही, मतेही यंत्रात बंद झाली आहेत. 23 मेला याचा उलगडा होईल.' 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in