Kolhapur Bazar Samiti Result : कोल्हापूर कृषी उत्पन्न बाजार समिती: सत्ताधारी गटास पाच तर विरोधकांना एक जागा

Congress, NCP vs BJP : कोल्हापूर कृषी उत्पन्न बाजार समितीच्या निवडणुकीचा निकाल आता हाती येऊ लागलेला आहे. जसजसे निकाल येतील त्या पद्धतीने विविध गटांचे कार्यकर्ते जल्लोष करत गुलालाची उधळण करीत आहेत. आतापर्यंत या बाजार समितीत सत्ताधाऱ्यांच्या पाच जागा निवडून आल्या आहेत. तर विरोधी गटाच्या पॅनलने आपले खाते उघडले आहे. तर अपक्ष एक उमेदवार निवडून आला आहे.

कोल्हापूर कृषी उत्पन्न बाजार समिती (Kolhapur) निकाल एक-एक करत पुढे येत आहे. सध्या बाजार समितीसाठी सत्ताधारी आणि विरोधी गटातील एका-एका उमेदवाराची निवड झाली आहे. आडते गटातून सत्ताधारी गटातील एक उमेदवार तर विरोधी गटातून एक उमेदवार विजयी झाला आहे. यात सत्ताधारी गटाचे वैभव सवर्डेकर तर विरोधी आघडीतून मधून नंदकुमार वळंजू विजयी झाले आहेत.

कोल्हापूर (Kolhapur) बाजार समितीच्या ग्रामपंचायत गटातून सुयोग वाडकर आणि शिवाजीराव पाटील विजयी झाले आहेत. अनुसूचित जाती जमाती मधून नानासो कांबळे विजयी झाले आहेत. आर्थिक दुर्बल गटातून पांडुरंग काशीद यांच विजय झाल आहे. हे चारही उमेदवार सत्ताधारी काँग्रेस राष्ट्रवादी, शिंदे शिवसेना आघाडीचे उमेदवार आहेत.

कोल्हापूर बाजार समिती दृष्टीक्षेपात

एकूण जागा - 18

आतापर्यंत लागलेले निकाल - 7

सत्ताधारी गट (काँग्रेस, राष्ट्रवादी,जनसुराज्य) - ५

विरोधी गट - (भजपा , शिंदे गट) - १

अपक्ष - १