शिवसेनेच्या आमदार किशोर दराडेंनी मुख्यमंत्र्यांना दिलेला शब्द खरा केला! 

मुख्यमंत्री फडणवीस यांची २६ एप्रिलला येवल्यात प्रचार सभा झाली होती. या सभेचा पवारांना नक्कीच फायदा झाला आहे. आता निकालानंतरही सभा सर्वांच्याच आठवणीत येत आहे. मुळात मतदारसंघाची जागा भाजपला असली तरी येथील नेतेमंडळींमध्ये एकोपा नसल्याने पालकमंत्री गिरीश महाजनांच्या सल्ल्याने आमदार राहुल आहेर यांनी येथील प्रचाराची सूत्रे आमदार किशोर दराडे यांच्याकडे सोपविली होती.
शिवसेनेच्या आमदार किशोर दराडेंनी मुख्यमंत्र्यांना दिलेला शब्द खरा केला! 

येवला : "साहेब शब्द देतो, येथून भारती पवारांना पंचवीस हजारांचा लीड आम्ही देऊ आणि दिंडोरीसह शिर्डीची जागाही आपण जिंकलेली आहे, आजच गुलाल घ्या,'' असा शब्द शिवसेनेचे शिक्षक मतदारसंघाचे आमदार किशोर दराडे यांनी मुख्यमंत्र्यांना दिला होता. या भविष्यवाणीवर मुख्यमंत्री देवेंद्र फडणवीस यांनी दराडेंकडे पाहून स्मितहास्य केले होते. दराडे यांचा हा अंदाज तंतोतंत खरा ठरला असून, या मतदारसंघातून भारती पवारांना २८ हजारांचे मताधिक्‍य मिळाले आहे. 

मुख्यमंत्री फडणवीस यांची २६ एप्रिलला येवल्यात प्रचार सभा झाली होती. या सभेचा पवारांना नक्कीच फायदा झाला आहे. आता निकालानंतरही सभा सर्वांच्याच आठवणीत येत आहे. मुळात मतदारसंघाची जागा भाजपला असली तरी येथील नेतेमंडळींमध्ये एकोपा नसल्याने पालकमंत्री गिरीश महाजनांच्या सल्ल्याने आमदार राहुल आहेर यांनी येथील प्रचाराची सूत्रे आमदार किशोर दराडे यांच्याकडे सोपविली होती. दराडेंसह शिवसेना नेते संभाजी पवार व भाजप-शिवसेनेच्या पदाधिकारी व कार्यकर्त्यांनीही जबाबदारी एकत्रितपणे पार पाडल्यानेच राष्ट्रवादीच्या बालेकिल्ल्यात मताधिक्‍य मिळाले आहे. विशेष म्हणजे, पक्षप्रमुख उद्धव ठाकरे यांनी शिर्डी लोकसभा मतदारसंघाची जबाबदारी आमदार नरेंद्र दराडे यांच्यावर दिली होती. तेथेही शिवसेनेचे सदाशिव लोखंडे विजयी झाल्याने दोन्हीकडे दराडे बंधूंनी जबाबदारीचे ओझे यशस्विपणे पेलले असे चित्र आहे. 

शिवसेना-भाजपने एकत्रितपणे जोरदार फिल्डिंग लावल्याने त्याचे परिणाम मिळालेल्या आघाडीतून दिसत आहेत. दराडे बंधूंसह संभाजी पवारांनी सर्वांना विश्‍वासात घेऊन काम उभे केल्याने मुख्यमंत्र्यांना दिलेला शब्द खरा ठरला आहे. अर्थात यामध्ये शिवसेनेत उपसभापती रूपचंद भागवत, तालुकाप्रमुख रतन बोरणारे, शहरप्रमुख राजेंद्र लोणारी यांसह विविध नेते, कार्यकर्त्यांची मेहनत होतीच. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com