मंत्री खोत-आमदार गोरे युती ; राष्ट्रवादीत कोंडीत! 

 मंत्री खोत-आमदार गोरे युती ; राष्ट्रवादीत कोंडीत!
मंत्री खोत-आमदार गोरे युती ; राष्ट्रवादीत कोंडीत!

सातारा : राष्ट्रवादी कॉंग्रेस पक्षाच्या नेत्यांची सत्ता असलेल्या सातारा जिल्हा मध्यवर्ती सहकारी बॅंकेच्या नोकर भरतीत घोटाळा झाल्याचा विषय बॅंकेचे संचालक आणि माण मतदारसंघातील कॉंग्रेसचे आमदार जयकुमार गोरे यांनी लावून धरला आहे. यासंबंधीच्या तक्रारीनुसार ही भरती प्रक्रिया स्थगित करण्याच्या हालचाली सुरु आहेत. आमदार गोरेंना शासनाकडून चांगला प्रतिसाद मिळत आहे. या एकूण प्रकरणात मंत्री खोत व आमदार गोरेंच्या युतीने राष्ट्रवादीचे संचालक अडचणीत येत असल्याचे चित्र आहे. 

शनिवारी सदाभाऊंनी याविषयी साताऱ्यात भाष्य केले. ते म्हणाले, "भरतीत काय काय झाले, याचा आम्ही शोध घेत आहोत. जिल्हा बॅंकेच्या नोकर भरतीतील घोटाळ्याबाबत तक्रारी झाल्याचा मला आनंद वाटतो. याप्रकरणात सुरवातीला तक्रारी नाहीत असे म्हणत होते, नंतर तेच तक्रारी आहेत असे म्हणतात. तीन टप्प्यात तक्रारी आल्या. या भरतीतील घोळच लक्षात येत नव्हता. म्हणूनच चौकशी लावली आहे. पहिल्यापासूनच आमदार गोरे या प्रकरणात आमच्यासोबत होते.' 

आमदार गोरे हे विरोधी संचालक म्हणून निवडून आले आहेत. अनिल देसाई हे सत्ताधारी गटाकडून निवडून आले होते, मात्र जिल्हा परिषद निवडणुकीपुर्वी त्यांनी भाजप प्रवेश केला आहे. त्यामुळे तेही विरोधात आहेत. गोरे आणि देसाई यांचे माणच्या राजकारणात चांगले ट्युनिंग आहे. या दोघांनीही भरती प्रक्रियेत भ्रष्टाचार झाल्याच्या तक्रारी केल्या आहेत. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com