कांचनताई संगमनेरला थांबल्या नाहीत, त्यांनी मुंबई गाठली!

अनेक महिलांनी फोनवरून शुभेच्छा दिल्या. मी त्यांना सांगितले की आपल्यापुढे कोरोनाचे मोठे संकट आहे. त्यामुळे भगिनिंनो घराबाहेर पडू नका.
 kanchantai thorat birthday celebration in mumbai
kanchantai thorat birthday celebration in mumbai

नगर : वाढदिवसानिमित्त कितीही नको म्हटलं तरी महिला शुभेच्छा देण्यासाठी गर्दी करतात. गर्दी अजिबात करायची नाही, त्यामुळे मुंबईला आले. तेथेच मुलगी, नात व चार-पाच कुटुंबियांच्या उपस्थितीत वाढदिवस साजरा केला, अशी माहिती महसूलमंत्री बाळासाहेब थोरात यांच्या पत्नी कांचनताई यांनी दिली. भगिनिंनो काळजी घ्या, घराबाहेर पडू नका, असे आवाहनही त्यांनी केले.

कांचनताई थोरात यांचा काल वाढदिवस होता. मागील सर्व वाढदिवसाच्या दिवशी संगमनेरमध्ये त्यांच्यावर संगमनेरकरांचा शुभेच्छांचा वर्षाव होत असतो. प्रत्येक वर्षी वाढदिवसानिमित्त सामाजिक उपक्रम राबविले जातात. महिलांची आरोग्य तपासणी केली जाते. महिलांसाठी विविध प्रशिक्षण घेऊन उद्योजक महिलांना प्रोत्साहित केले जाते. रक्तदान शिबिरे घेवून महिलांची रक्ततपासणीही केली जाते. महिलांनी स्वतःच्या
पायावर उभे रहावे, यासाठी विशेष प्रयत्न केले जातात. या पार्श्वभूमीवर शुक्रवारी (ता. 20) कांचनताई थोरात यांनी गर्दी टाळण्यासाठी मुंबई गाठली. तेथे त्यांची मुलगी जयश्री व आप्तेष्टांच्या उपस्थितीत त्यांनी अगदी चार-पाच कुटुंबियांच्या उपस्थितीत वाढदिवस साजरा केला. काल बाळासाहेब थोरात यांचा नगरला दौरा होता. त्यामुळे ते सायंकाळी उशिरा मुंबईला गेले. ते आल्यानंतर त्यांनी वाढदिवसाच्या शुभेच्छा दिल्या. सायंकाळी कन्या शरयू देशमुख, जयश्री थोरात, दीर रणजित, नात रुक्मिनी यांच्या उपस्थितीत केक कापून काल साध्या पद्धतीने वाढदिवस साजरा केला.  

अनेक महिलांनी फोनवरून शुभेच्छा दिल्या. मी त्यांना सांगितले की आपल्यापुढे कोरोनाचे मोठे संकट आहे. त्यामुळे भगिनिंनो घराबाहेर पडू नका. शक्य असेल तेवढे कामे टाळून घरच्या कुटुंबांतील सदस्यांची काळजी घ्या. या रोगाचा सामना करण्यासाठी सरकारी पातळीवर मोठे प्रयत्न केले जात आहेत. प्रशासनाला सहकार्य करा, असे कांचनताई थोरात यांनी 'सरकारनामा'शी बोलताना सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com