Bharat Jodo Yatra : काश्मीरच्या बर्फवृष्टीत राहुल-प्रियंका गांधींची धमाल; हे फोटो पाहाच

काश्मीरमध्ये भारत जोडो यात्रेच्या शेवटच्या दिवशी खासदार राहुल गांधी आणि कॉंग्रेसच्या सरचिटणीस प्रियंका गांधी यांची धमाल पाहायला मिळाली.

प्रियंका गांधी आपल्या सहकाऱ्यांसोबत बोलत असताना अचानक राहुल गांधींंनी मागून येऊन प्रियंका गांधींच्या अंगावर बर्फाचा गोळा फेकला.

राहुल गांधींची ही हरकत पाहून काही क्षण गोंधळून गेलेल्या प्रियंका गांधी यांनीही मग राहुल गांधींना अंगावर बर्फाचे गोळे फेकले.

राहुल आणि प्रियंका गांधींची ही धमाल पाहुन मग इतर कॉंग्रेस नेते आणि जमलेल्या कार्यकर्त्यांनाही बर्फ खेळण्याचा मोह आवरला नाही.

खरंतर गेल्या पाच महिन्यांपासून सुरु असलेल्या भारत जोडो यात्रेचा आज समारोप झाला. कन्याकुमारीपासून निघालेल्या यात्रेची कश्मीरमध्ये सांगता झाली.

रविवारी (२९ जानेवारी) श्रीनगरच्या लाल चौकात राहुल गांधींनी तिरंगा फडकवला. त्यानंतर आज काश्मीरमधील कॉंग्रेसच्या कार्यालयासमोर ध्वजारोहण करण्यात आले.

काश्मीरमधील शेर-ए-काश्मीर मैदानात राहुल गांधी आणि प्रियंका गांधी आणि कॉंग्रेस नेत्यांनी भाषणे केली. या यात्रेत देशभरातील १० हून अधिक पक्षांचे नेते, कार्यकर्ते सामील झाले होते.