संभाजी राजे छत्रपती यांच्याहस्ते, युवराजकुमार शहाजी छत्रपती आणि लाखो शिवभक्तांच्या उपस्थितीमध्ये हा सोहळा मोठ्या उत्साहात पार पडला.
शिवराज्याभिषेक सोहळा दिनाच्या पुर्वसंध्येला रायगडवर लाखो शिवभक्तांच्या वतीने युवराज संभाजी छत्रपती महाराज व युवराजकुमार शहाजी छत्रपती यांचे जल्लोषात स्वागत करण्यात आले.
गडावर उपस्थित महिलांनी युवराज संभाजी छत्रपती महाराज, व युवराजकुमार शहाजी छत्रपती यांचे औक्षण केले.
या सोहळ्या दरम्यान संभाजी राजे छत्रपती नेमकी कोणती राजकीय वक्तव्ये करतात याकडे साऱ्यांचे लक्ष लागले होते..
मात्र मी राज सदरेवर राजकीय भाष्य करणार नाही, असे स्पष्ट करत संभाजी राजे यांनी ऐतिहासिक दाखले देत कोणाचेही नाव न घेता टिपणी केली.
सलग दोन वर्षे कोविड आणि लोकडाऊन चे निर्बंध असल्याने रायगडावर राज्याभिषेक सोहळा साजरा करण्यासाठी अनेकी बंधने आली.
मात्र यावर्षी असे कोणतेही निर्बंध नसल्याने आज लाखोंच्या संख्येने शिवभक्त रायगडावर दाखल होत मोठ्या जल्लोषात राज्याभिषेकाचा सोहळा पार पडला.
आधी ध्वजपूजन आणि मग महाराजांचा अभिषेक अशा अनेक संपन्न अशा पारंपरिक गोष्टी साकारून राज्याभिषेक सोहळा पार पडला.
यावेळी त्यांनी पण महाराजांचा निश्चय, काम करण्याच्या पध्दती मूळे लोकसंचय वाढला. आणि सर्वसामान्य माणसांच्या हक्काचे "स्वराज्य" उदयास आले.आणि महाराज छत्रपती झाले, असे सांगत उपस्थितांना शिवराज्याभिषेक दिनाच्या शुभेच्छा दिल्या.
राज्याभिषेक सोहळ्याच्या पूर्वसंध्येला गडावर अनेक मर्दानी खेळांची प्रात्यक्षिकेही सादर करण्यात आली.
याप्रसंगी युवराज संभाजी राजेंनी स्वत: गडावर उपस्थित खेळाडूंशी संवाद साधला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.