एकेकाळचे मित्र आता बनले राजकीय शत्रू

या यादीत लालू प्रसाद आणि नितीश कुमार यांची नावे प्रमुख आहेत. दोघेही शालेय जीवनापासूनच एकमेकांचे जीवलग मित्र होते. पण राजकारणाने दोघांना एकमेकांचे कट्टर विरोधक बनवले आहे.

कवी कुमार विश्वास आणि दिल्लीचे विद्यमान मुख्यमंत्री अरविंद केजरीवाल हे अण्णा आंदोलनाच्या काळापासून चांगले मित्र होते. आता दोघांचेही मार्ग वेगळे झाले आहेत.

सोनिया गांधी भारतात आल्या तेव्हा जया बच्चन यांच्या घरी राहायच्या. दोघींमध्ये घट्ट मैत्री होती. त्यानंतर दोन्ही कुटुंबात दरी पडली. आज या दोघीही राजकारणात एकमेकींच्या कट्टर विरोधक आहेत.

कॉंग्रेस नेते राहुल गांधी आणि ज्योतिरादित्य सिंधिया यांच्यातही खूप जवळीक होती. 2020 मध्ये ज्योतिरादित्य सिंधिया यांनी काँग्रेस सोडून भाजपमध्ये प्रवेश केल्यानंतर ही मैत्री तुटली.