पुणे : मी काही काळ राज्यात आहे, मला पक्ष जेव्हा सांगेल तेव्हा माझी दिल्लीत जाण्याची तयारी आहे, असे सांगत मुख्यमंत्री देवेंद्र फडणवीस यांनी आपला पुढील टप्पा स्पष्ट केला आहे.
अर्थात मुख्यमंत्र्यांच्या या वक्तव्यामुळे भाजपमधील मुख्यमंत्री पदासाठी इच्छुक असलेल्यांना उत्साह संचारला असेल. मात्र काही काळ यात किती दिवस मोजायचे, हे मुख्यमंत्र्यांनी सांगितले नसल्याने या इच्छुकांना वाट पाहावी लागणार आहे. महाजनादेश यात्रेवर उत्तर महाराष्ट्रात असलेल्या मुख्यमंत्र्यांनी एका वृत्तवाहिनीला दिलेल्या मुलाखतीत आपले पुढचे ठिकाण सांगितले.
माजी मुख्यमंत्री नारायण राणे हे येत्या आठवडाभरात मोठा निर्णय घेणार असल्याची चर्चा होते. खुद्द राणे यांनीच तसे भाष्य केले होते. आता मुख्यमंत्री देवेंद्र फडणवीस यांनी याबाबत स्पष्टीकरण केले आहे. फडणविसांच्या म्हणण्यानुसार राणेंना त्यांचा महाराष्ट्र स्वाभिमान पक्ष हा भाजपमध्ये विलीन करायचा आहे.
मुख्यमंत्री म्हणाले की मला नारायण राणेंनी पुस्तक प्रकाशनाला बोलावले होतं. पण त्यांनी सांगितलेल्या वेळेत मला जाणं शक्य झालं नाही. राणे आमच्यासोबतच आहेत. राणेंनी राज्यसभेत जाण्याचा निर्णय त्यांच्याशी चर्चा करुन घेतला. राणेंना आपला पक्ष भाजपात विलीन करायचा आहे. तसेच राष्ट्रवादीचे खासदार उदयनराजे भाजपमध्ये आले तर आनंदच होईल, अशीही पुस्ती त्यांनी जोडली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.