मी आता `भाई` होणार : पराभवानंतर सुरेश गोरे झाले आक्रमक

मी आता `भाई` होणार : पराभवानंतर सुरेश गोरे झाले आक्रमक

आळंदी ः खेड आळंदी विधानसभा निवडणुकीत दारूण पराभवानंतर सेनेचे माजी आमदार सुरेश गोरे यांच्यात आता बदल झाला आहे.

राजकारणातील सौम्य व्यक्ती समजल्या जाणा-या सुरेश गोरे यांना आता भाई बनायचे वेड लागले आहे. नुकतेच चाकण येथे झालेल्या त्यांच्या दिवाळी भेटच्या कार्यक्रमात त्यांनीच जाहीर केले की मी आता सुरेशभाऊ गोरे नाही, तर सुरेशभाई गोरे आहे. मला कुणीही भाऊ न म्हणता भाई म्हणावे. यामुळे गेल्या काही वर्षांत अनेक भाईंमुळे परिचित असलेला खेड तालुका आता नव्या भाईच्या प्रतिक्षेत असून सुरेश भाऊंची भाईगीरी कोणावर चालणार याचीच चर्चा तालुक्यात रंगली आहे.

सेनेचे माजी आमदार सुरेश गोरे प्रतिवर्षी आंबेठाण रस्त्यावर कार्यकर्त्यांसाठी दिवाळी फराळचा कार्यक्रम आयोजित करतात. या निमित्ताने त्यांनी दिवाळी पाडव्याच्या दिवशी आलेल्या कार्यकर्त्यांना संबोधित करताना मी भाई बनणार असे सांगितल्याने उपस्थितांमध्ये हास्याची खसखस पिकली.

खेड- आळंदी विधनसभा निवडणूकीत आमदार सुरेश गोरे यांनी विरूद्ध बाजूच्या दोन्ही उमेदवारांवर गुंडगीरीचा आरोप करित प्रचार केला होता. भाषणामधे तुम्हाला तालुक्यात विकास हवा असेल तर माझ्याकडे बघा आणि गुंडगीरी पाहायची असेल तर समोरच्यांकडे पाहा, अशी टीका गोरे यांनी विरोधकांचा समाचार घेताना केली होती.

मात्र मतदारांवर याचा काहीही परिणाम झाला नाही. कारण राष्ट्रवादीचे विजयी उमेदवार आमदार दिलिप मोहिते यांनी गोरे यांच्यावर मात करीत तब्बल 33 हजार मतांची आघाडी घेतली. तर अपक्ष उमेदवार अतुल देशमुख यांच्या पारड्यात 53 हजार मते दिली. यामुळे काहीसे नाराज गोरे यांनी तालुक्यातील मतदारांचा कल पाहता वरील भूमिका घेतली.

मी भाई कसे होणार, यावर सविस्तर बोलणार नाही. काय असेल ते. पण नक्कीच बदल झालेला असेल, असे गोरे सांगतानाच्या भाषणाचा व्हिडीओ सध्या तालुक्यात सोशल मिडियात फिरू लागला आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com