चांगल्या बंगल्यासाठी आग्रही नाही, प्रसंगी मंत्रालयाबाहेर खुर्ची टाकून बसेन : बच्चू कडू 

चांगल्या बंगल्यासाठी आग्रही नाही, प्रसंगी मंत्रालयाबाहेर खुर्ची टाकून बसेन : बच्चू कडू 

पुणे : शेतकऱ्यांची अडवणूक करू नका असे ठणकावून सांगतानाच चांगल्या बंगल्यासाठी मी आग्रही नाही. जनतेच्या कामासाठी वेळ आली तर मंत्रालयाबाहेर खुर्ची टाकून बसेन अशी भूूमिका नवनिर्वाचित मंत्री आणि गोरगरीब शेतकऱ्यांचे नेते बच्चू कडू यांनी घेतली आहे. 

कडू यांनी मंत्रिपदाची शपथ घेतली होती. आज मंत्रिमंडळाचा विस्तार करण्यात आला असून त्यांच्याकडे जलसंपदा, शालेय शिक्षण आणि कामगार मंत्रालय आले आहे. ते शिवसेनेच्या कोट्यातून राज्यमंत्री बनले आहेत. कडू हे सातत्याने शेतकऱ्यांच्या न्याय हक्कासाठी आंदोलन करीत असतात. अधिकारी तर त्यांचा इतका धसका घेतात की शेतकऱ्यांचे काम थांबत नाही. 

बच्चू कडू आले म्हटले की भल्या भल्या अधिकाऱ्यांना घाम फुटतो. असा शेतकऱ्यांचा नेता आज मंत्री बनला आहे. 
मंत्री बनताच त्यांचे जल्लोषात स्वागत करण्यात आले. मंत्रिपदाचे वाटप झाल्यानंतर कडू यांनी पत्रकारांना सांगितले, की मी मंत्री बनलो असलो तरी चांगल्या बंगल्यासाठी माझा आग्रह नाही. लोकांची कामं महत्त्वाची आहे. त्यासाठी वेळ आल्यास मंत्रालयाबाहेर खुर्ची टाकून बसण्याची माझी तयारी आहे. हे सर्व असले कुठल्याही शेतकऱ्याची अडवणूक करू नका असे आवाहनही पोलिस आणि अधिकाऱ्यांना त्यांनी केले आहे. 

मातोश्रीच्या दारात एका शेतकऱ्याशी पोलिस सौजन्याने वागले नाही याचा संदर्भ कडूंच्या आवाहनात होता. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com