शिवसेनेचा माझ्या घरावर हल्ला हा नामर्दासारखा - हर्षवर्धन जाधव

माझ्या घरी पत्नी व मुलगा हे एकटेच असताना शिवसैनिकांनी केलेला हल्ला हा नामर्दासारखा वाटतो, अशा शब्दांत जाधव यांनी हल्याचा निषेध केला.
शिवसेनेचा माझ्या घरावर हल्ला हा नामर्दासारखा - हर्षवर्धन जाधव

औरंगाबाद: शिवसेनापक्षप्रमुख व शिवसैनिकांबद्दल कथीत वक्‍तव्यानंतर शिवस्वराज्य बहुजन पक्षाचे अध्यक्ष माजी आमदार हर्षवर्धन जाधव यांच्या घरावर बुधवारी (ता.17) रात्री दगडफेक झाली.

दरम्यान, माझ्या घरी पत्नी व मुलगा हे एकटेच असताना शिवसैनिकांनी केलेला हल्ला हा नामर्दासारखा वाटतो, अशा शब्दांत जाधव यांनी हल्याचा निषेध केला. याप्रकरणी पोलिसात तक्रार दाखल झालेली असून जाधव यांच्या घराला पोलिसांनी पहारा दिला आहे.

औरंगाबाद लोकसभा निवडणुकीत एमआयएमचे इम्तियाज जलील विजयी झालेले आहेत. जाधव यांच्यामुळेच चंद्रकांत खैरे यांचा पराभव झाला. त्यांच्यामुळेच शिवसेनेचा भगवा खाली आणि हिरवा वर गेला अशा प्रकारची टिका जाधव यांच्यावर करत आहे.

दोन दिवसापूर्वी जाधव यांनी आपल्या सभेतून शिवसेनेच्या टिकेला उत्तर देतांना माझ्यामुळे भगवा खाली आणि हिरवा वर गेला असे म्हणता ना.? तुम्हाला मुस्लिमांचं एवढ वावड आहे तर मग सिल्लोड विधानसभा मतदारसंघातील कॉंग्रेसचे बंडखोर अब्दुल सत्तार तुम्हाला कसे चालतात, सत्तार तुमच्या आईचा नवरा आहे का, असे वादग्रसत्त विधान जाधव यांनी केला होता.

या विधानाचा व्हिडिओ समोर आल्यानंतर बुधवारी रात्री दीड वाजेच्या सुमारास जाधव यांच्या घरावर हल्ला चढवत कारची तोडफोड करण्यात आली होती. याप्रकारानंतर पोलिसांनी घटनास्थळी धाव घेत पाहणी केली. संशयीतांचा पोलीस शोध घेत आहेत.

पोलिसात तक्रार दाखल

या हल्लाप्रकरणी जाधव यांच्या लेटरहेडवर क्रांती चौक पोलिस ठाण्यात तक्रार दाखल करण्यात आली आहे. मात्र, अजून डिटेल्स घ्यायचे असून त्यानंतरच तक्रार दाखल करून घेतल्या जाईल, असे पोलिस अधिकारी शिनगारे यांनी सांगीतले.

 काय म्हणाले हर्षवर्धन जाधव ?

गेल्या काही दिवसांपासून माझ्यावर शिवसेना, खैरे सतत आरोप करीत आहेत. मी, किती दिवस गप्प बसायचे? तुम्हाला लोकसभेला मुस्लिम चालत नाही. पण विधानसभेला चालतो, या दुटप्पी भूमिकावर मी बोट ठेवले.

माझ्या घरावर शिवसेनेने केलेला हा हल्ला अतिशय नामर्दासारखा आहे. एकीकडे शिवाजी महाराजांचे नाव घ्यायचे आणि दुसरीकडे छत्रपती शिवाजी महाराज यांच्याबद्दल अंत्यत घाणेरडी भाषा वापरणाऱ्या श्रीपाद छिंदम याला पाठींबा शिवसेना देते, तेंव्हा त्यांचे हिंदूत्व कुठे जातं, असा प्रश्‍न जाधव यांनी उपस्थित केला आहे.

खैरेंचाही पराभवानंतर तोल जात असल्याचे जाधव म्हणाले. पोलिसांनी वेळीच लक्ष द्यावे, अन्यथा कायदा आणि सुव्यवस्थेचा प्रश्‍न निर्माण होऊ शकतो असा इशाराही जाधव यांनी दिला आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com