gopinath munde and state government | Sarkarnama

टीकेची झोड उठताच भाजपकडून गोपीनाथ मुंडेंच्या स्मारकाचा आढावा

राजेभाऊ मोगल
शुक्रवार, 14 डिसेंबर 2018

औरंगाबाद : राज्यात कमळ फुलविण्यासाठी अहोरात्र कष्ट घेतलेले दिवंगत नेते गोपीनाथ मुंडे यांच्या स्मारकाचा प्रश्‍न या सरकारला चार वर्षात सोडविता आला नाही. याबद्दल भाजपवर टीकेची झोड उठताच जाग आलेल्या भाजप पदाधिकाऱ्यांनी यासंदर्भात शुक्रवारी (ता.14) तातडीची बैठक घेत स्मारकाचे काम वेगाने होईल असे जाहीर केले. तत्कालिन महसूल मंत्री एकनाथ खडसे यांनी 2015 मध्ये स्मारक उभारण्याची घोषणा केली होती. यासाठी शासकीय दुध डेअरीच्या 3 एकर 27 जागेची निवडही करण्यात आली. सरकार दरबारी या स्मारकाचा प्रस्ताव धूळखात पडून आहे. याबाबत मुडेंच्या स्मृतीदिनीच "सरकारनामा'ने यावर प्रकाश टाकला होता. 

औरंगाबाद : राज्यात कमळ फुलविण्यासाठी अहोरात्र कष्ट घेतलेले दिवंगत नेते गोपीनाथ मुंडे यांच्या स्मारकाचा प्रश्‍न या सरकारला चार वर्षात सोडविता आला नाही. याबद्दल भाजपवर टीकेची झोड उठताच जाग आलेल्या भाजप पदाधिकाऱ्यांनी यासंदर्भात शुक्रवारी (ता.14) तातडीची बैठक घेत स्मारकाचे काम वेगाने होईल असे जाहीर केले. तत्कालिन महसूल मंत्री एकनाथ खडसे यांनी 2015 मध्ये स्मारक उभारण्याची घोषणा केली होती. यासाठी शासकीय दुध डेअरीच्या 3 एकर 27 जागेची निवडही करण्यात आली. सरकार दरबारी या स्मारकाचा प्रस्ताव धूळखात पडून आहे. याबाबत मुडेंच्या स्मृतीदिनीच "सरकारनामा'ने यावर प्रकाश टाकला होता. 

याची दखल घेत भाजपचे प्रदेश उपाध्यक्ष तथा मराठवाडा विकास मंडळाचे अध्यक्ष डॉ. भागवत कराड यांनी शुक्रवारी अधिकाऱ्यांची तातडीने बैठक बोलावली. या बैठकीनंतर डॉ. कराड म्हणाले, संबधित जागा नगरविकास विभागाकडे देण्यात आलेली आहे. सिडको आणि शहर विकास यांच्यासोबत सामंजस्य करार होईल. याबाबतचा मसुदा सिडको व्यवस्थापकीय संचालकांकडे पाठविला आहे. आता येत्या बुधवारी (ता.19) मी आणि आमदार अतुल सावे वरिष्ठ अधिकाऱ्यांची भेट घेणार आहोत. प्रस्तावास प्रशासकीय मान्यता मिळाल्यानंतर निधी उपलब्ध होईल. यासाठी 50 कोटी 61 लाख एवढा खर्च येणार असून लवकरच या कामाला सुरवात होईल, असा दावाही डॉ. कराड यांनी केला. 

मे 2015 मध्ये खडसे यांनी त्यांच्या दालनात नगरविकास विभागाच्या सचिव मनीषा म्हैसकर, बालविकास मंत्री पंकजा मुंडे, तत्कालीन विभागीय आयुक्‍त उमाकांत दांगट व जिल्हाधिकाऱ्यांच्या उपस्थितीत बैठक घेतली होती. त्यानंतर 2016 मध्ये या स्मारकासाठी दिल्लीच्या क्रिएटीव्ह ग्रुपने प्रस्ताव तयार करून दिला. मात्र, महसूल मंत्री एकनाथ खडसे यांना भ्रष्टाचाराच्या आरोपावरून पायउतार व्हावे लागले आणि गोपीनाथ मुंडे यांचे स्मारकही रखडले. 
 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख