गाड्यांचा ताफा थांबवून गिरीश महाजनांची अपघातग्रस्तांना मदत

मंत्र्यांच्या ताफ्यासाठी वाहतुक थांबविण्याचे प्रसंग नवे नाहीत. मात्र सोमवारी (ता.25) वैद्यकीय शिक्षणमंत्री गिरीष महाजन यांचा ताफा जळगावकडे जात असतांना रस्त्यात अपघातामुळे वाहतुक खोळंबली होती. यावेळी महाजन यांना आपला ताफा थांबवुन जखमींवर प्रथमोपचार करुन जखमीला उचलण्यास मदत करीत ताफ्यातील एका गाडीत ठेवले. त्याला रुग्णालयात पाठवले. वाहतुक सुरळीत केली व नंतर ते पुढे रवाना झाले.
गाड्यांचा ताफा थांबवून गिरीश महाजनांची अपघातग्रस्तांना मदत

नाशिक : मंत्र्यांच्या ताफ्यासाठी वाहतुक थांबविण्याचे प्रसंग नवे नाहीत. मात्र सोमवारी (ता.25) वैद्यकीय शिक्षणमंत्री गिरीष महाजन यांचा ताफा जळगावकडे जात असतांना रस्त्यात अपघातामुळे वाहतुक खोळंबली होती. यावेळी महाजन यांना आपला ताफा थांबवुन जखमींवर प्रथमोपचार करुन जखमीला उचलण्यास मदत करीत ताफ्यातील एका गाडीत ठेवले. त्याला रुग्णालयात पाठवले. वाहतुक सुरळीत केली व नंतर ते पुढे रवाना झाले.

मुख्यमंत्री देवेंद्र फडणवीस यांचा धुळे येथील कार्यक्रम आटोपुन ते जळगावला जात होते. सायंकाळी सहाला राष्ट्रीय महामार्गावर जळगाव महापालिकेच्या जुन्या जकात नाक्‍याजवळ एका मोटारसायकलचा अपघात झाला होता. त्यामुळे बघ्यांची मोठी गर्दी होती. यावेळी महाजन शासकीय वाहनाने जात होते. गर्दी पाहिल्यावर त्यांनी ताफा थांबवुन चौकशी केली. त्यांचे वाहन थांबल्यावर जखमीकडे धाव घेतली. नानीराम चव्हाण (वय 22) आणि मांगीलाल रावत (वय 32) हे दोघे जखमी होते. त्यांच्या गुडख्याला मोठी जखम झाली होती. त्यांनी प्रथमोपचार म्हणुन जखमेवर कपड्याची पट्टी बांधली. त्यानंतर स्वतः त्याला उचलुन ताफ्यातील वाहनात बसवले. जळगावच्या शासकीय रुग्णालयात दाखल करण्याची व्यवस्था केली. या जखमींची प्रकृती आता उत्तम आहे.

यापूर्वीही महाजन यांनी अशा प्रकारे यापूर्वीही अनेकदा अपघातग्रस्तांना मदत केली आहे. नाशिकहून येताना अपघातग्रस्तांना वेळीच रुग्णालयात पाठवले होते. रस्त्यावर सोडून दिलेल्या वृध्देला डोळ्यांच्या शस्त्रक्रियेसाठी रुग्णालयात दाखल करण्यास पाठवले आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com