नागनाथअण्णा नायकवडींचे नातू शिवसेनेत

पुणे: दिवंगत स्वातंत्र्यसेनानी नागनाथअण्णा नायकवडी यांचे नातू गौरव नायकवडी यांनी आज शिवसेनेत प्रवेश केला. ते इस्लामपूर मतदारसंघात सेनेच्या तिकीटावर लढतील.

नागनाथअण्णा नायकवडी यांनी सेना भाजपला कडाडून विरोध केला, मात्र अण्णांच्या निधनातंर त्यांचे पुत्र वैभव यांनी भाजपशी सलगी वाढवली. मुख्यमंत्री देवेंद्र फडणवीस यांच्या महाजनादेश यात्रा वाळवा तालुक्यात आली असताना वैभव नायकवडी, गौरव नायकवडी सहभागी झाले होते. नायकवडी कुटुंबाचे कार्यक्षेत्र असलेल्या इस्लामपूर मतदारसंघात भाजप लढणार, असे इतके दिवस चित्र होते. भाजपात इच्छुकांची मोठी स्पर्धा होती. मात्र जागावाटपात हा मतदारसंघ सेनेला सोडण्यात आला आहे. त्यामुळे गौरव नायकवडी यांनी सेनाप्रवेश केला आहे.