मतदानाने बोट काळे करणाऱ्यांची मोफत दाढी व कटिंग!

मतदानाने बोट काळे करणाऱ्यांची मोफत दाढी व कटिंग!

इंदापूर : इंदापूर विधानसभेसाठी मतदान सुरू असताना उजनी धरण पाणलोट क्षेत्रातील तालुक्यातील पुनर्वसित कालठण नं. 1 येथील हनुमंत रामचंद्र पांडुळे या युवकाने मतदान करणाऱ्यांच्या मोफत दाढी कटिंग करण्याचा अनोखा उपक्रम राबविला. आतापर्यंत त्यांनी 35 मतदारांच्या दाढी कटिंग मोफत केल्या आहेत.

हनुमंत पाटील यांचे कालठण न. 1 येथे आर्यन हेअर स्टाईल हे दुकान आहे. भारतीय लोकशाही प्रगल्भ करण्यासाठी तसेच मतदानाची टक्केवारी वाढवण्यासाठी आपला देखील खारीचा वाटाअसावा म्हणून त्याने हा उपक्रम राबवण्याचा निर्णय घेतला. त्यानुसार त्याने मतदान करून आलेल्या तसेच बोटावर मतदान केल्याची खूण असलेल्या राम शिंदे पाटील, आदम शेख, अशोक खंडाळे,   महेश भगत, उस्मान शेख, नितीन दिक्षीत,दिपक पाटील आदींची मोफत दाढी कटिंग करून सेवा बजावली.

बातमी प्रसिद्ध होईपर्यंत त्याने 35 जणांची मोफत दाढी कटिंग पूर्ण केली होती. ग्रामिण व शहरी भागात दाढी व कटिंग चे दर 60 ते 80 रुपये असताना देखील हनुमंत पांडुळे यांनी मतदारांना संपूर्ण मोफत सेवा देऊन सामाजिक बांधीलकी, राष्ट्रीय एकात्मता तसेच सर्वधर्मसमभाव संवर्धित केला आहे. त्यांचा उपक्रम इतरांना प्रेरणादायी असून त्याचे सर्वत्र कौतुक होत आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com