मुंबई : अन्न आणि नागरी पुरवठामंत्री गिरीश बापट यांच्या सरकारी निवासस्थानात सोमवारी रात्री आग लागली. अग्निशामक दलाच्या पथकाने तातडीने धाव घेऊन 15 मिनिटांत आगीवर नियंत्रण मिळवले.
मुख्यमंत्री देवेंद्र फडणवीस यांच्या 'वर्षा' बंगल्याच्या बाजूला असलेल्या बापट यांच्या 'ज्ञानेश्‍वरी' या बंगल्यात सोमवारी रात्री 9 च्या सुमारास आग लागली. बंगल्यात असलेल्या सर्व्हन्ट क्वार्टरमध्ये ही आग लागली . लागलेली आग 'ज्ञानेश्‍वरी' बंगल्यात पसरली.
ही माहिती मिळताच अग्निशामक दलाचे जवान घटनास्थळी दाखल झाले. या वेळी जलसंपदामंत्री गिरीश महाजन उपस्थित होते. अग्निशामक दलाने रात्री सव्वानऊच्या सुमारास आग आटोक्‍यात आणली. या दुर्घटनेत कोणालाही दुखापत झाली नाही, असे अग्निशामक दलाच्या अधिकाऱ्यांनी सांगितले. आगीचे नेमके कारण अद्याप स्पष्ट झालेले नाही, असे पोलिसांनी सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.