पुणे : तत्कालीन महसूलमंत्री चंद्रकांत पाटील यांच्या मुंबईतील घरी सप्टेंबर 2019 मध्ये दाद मागायला गेलेल्या विद्यार्थ्यांना गुन्हे दाखल केल्याचा नोटिसा पोलिसांनी पाठवल्याने एकच खळबळ उडाली आहे.
राज्यसेवा परीक्षेत उत्तीर्ण असूनही डावलले गेल्याने राज्यातील काही विद्यार्थी तेव्हाचे महसूलमंत्री चंद्रकांत पाटील यांच्याकडे न्याय मागायला गेले. तेव्हा काही विद्यार्थी ओक्साबोकशी रडत होते.
याबाबत विद्यार्थ्यांनी दिलेली माहिती अशी की सहायक मोटर वाहन निरीक्षक या पदावर त्यांची निवड झाली होती. मात्र सरकारच्या चुकीच्या धोरणामुळे त्याना बाहेर काढण्यात आले. त्यांना बाहेर काढल्याचे समजताच मुंबईत असलेले तरुण तरुणी दाद मागायला चंद्रकांत पाटील यांच्या घरी गेली. काही मुलं बोलताना रडत होती,या घटनेचे व्हिडीओ सर्वत्र व्हायरल झाले होते.
"या घटनेला सहा महिने होऊन गेले.आता या विद्यार्थ्यांना मरिन लाईन पोलिसांनी 'तुमच्यावर गुन्हे दाखल करण्यात आले आहे'असे नोटीस पाठवून त्यांना चौकशीला बोलावले आहे. "आम्ही कसलाही गोंधळ घातला नाही.चंद्रकांत दादांनी आम्हाला तुमचे काहीही प्रश्न असतील तर भेटायला या. असे आम्हाला सांगितले होते. आम्हाला बाहेर काढल्याचे समजल्यावर आम्हाला त्यांची आठवण झाली. मग ते आम्हाला मदत करतील, असे वाटले होते. म्हणून आम्ही गेलो होतो.तर आमच्यावर गुन्हे दाखल झाले. आम्ही काहीही चुकीचे वागलो नाही तरी आमच्यावर गुन्हे का,"असा सवालही विद्यार्थी विचारत आहेत. दरम्यान या विद्यार्थ्यांनी उपमुख्यमंत्री अजित पवार, गृहमंत्री अनिल देशमुख यांना निवेदन पाठवून या प्रकाराची कल्पना दिली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.