पुणे-"देवेंद्र फडणवीस यांना आपल्याला नियम किती कळतात,कायदा किती कळतो हे टीव्हीसमोर दाखवायचं होतं म्हणूनच त्यांनी विधानसभेत गोंधळ घातला,"असा टोला राष्ट्रवादी काँग्रेसचे आमदार रोहित पवार यांनी केला.
विधानसभेत बहुमत ठरावदरम्यान माजी मुख्यमंत्री देवेंद्र फडणवीस यांनी काही मुद्दे उपस्थित केले.त्यानंतर भाजपने सभात्याग केला. त्यावर आमदार पवार यांनी प्रतिक्रिया दिली.पवार म्हणाले,"मुख्यमंत्री उद्धव ठाकरे यांचे स्वागत तसेच अन्य मंत्र्यांचे स्वागत करण्याचा आजचा दिवस होता मात्र माजी मुख्यमंत्र्यांनी नुसता गोंधळ घातला.त्यांचा पक्ष गोंधळ घालणारा पक्ष आहे."
आगामी काळात भाजपचे आमदार आक्रमकपणा करायला लागले तर तुम्ही काय करणार?असे विचारता पवार म्हणाले"आम्ही संसदीय पध्दतीने त्यांना उत्तर देऊ.आणि विरोधक जर राज्याच्या हिताचा मुद्दा मांडत असतील तर त्यांच्या पाठीशी राहू."
"माजी मुख्यमंत्री देवेंद्र फडणवीस यांनी सर्वोच्च न्यायालयाने दिलेल्या आदेशाचा सुद्धा अपमान केला आहे. स्वतःला कायदा किती कळतो हे त्याना टीव्हीवर लोकांना दाखवायचे असेल.विधीमंडळातील प्रकार महाराष्ट्राच्या जनतेने बघितला आहे," असेही ते म्हणाले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.