एकनाथ संभाजी शिंदे हे आज शिवसेनेतील सर्वात वजनदार मंत्री. ठाणे जिल्ह्याचे सर्वेसर्वा म्हणून त्यांची ओळख आहे. दिवंगत शिवसेना जिल्हाप्रमुख आनंद दिघे यांच्या तालमीत तयार झालेल्या शिंदेंची ठाणे आणि जिल्ह्यावर चांगली पकड आहे. काहीसे मित्तभाषी असलेल्या या नेत्याने मात्र आपल्या कामातून स्वत:ला सिद्ध केले आहे.
शिवसेनाप्रमुख बाळासाहेब ठाकरे, पक्षप्रमुख उद्धव ठाकरे ते युवा नेते आदित्य ठाकरे यांच्या अत्यंत विश्वासातील नेते म्हणून ते ओळखले जातात. शिवसेनेचे ठाण्यातील नगरसेवक, स्थायी समितीचे अध्यक्ष ते दोन वेळा कोपरी पाचपखाडी विधानसभा मतदारसंघातून आमदार म्हणून निवडून आले आहेत.
गेल्या विधानसभा निवडणुकीनंतर युतीत मतभेद झाल्याने शिवसेना जेव्हा विरोधी बाकावर बसली तेव्हा ते थेट विरोधीपक्षनेते बनले. त्यानंतर पक्ष सत्तेत गेला तेव्हा त्यांच्याकडे पीडब्ल्यूडी सारखे महत्त्वाचे खाते आले.
आज ते आरोग्यमंत्रीही आहेत. शिवसेनेचा कार्यकर्ता ते मंत्री असा प्रवास राहिलेल्या शिंदेंनी शिवसेनेचे असे कोणतेही आंदोलन नाही की त्यात ते सहभागी झाले नाहीत. ठाकरे घराण्यांचा निष्ठावंत शिलेदार म्हणून त्यांची ओळख आहे. त्यामुळेच की काय त्यांच्याकडे मोठमोठी पदे आणि खातीही येत गेली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.