जळगाव : राज्यात महाविकास आघाडीचे सरकार येण्याचे बीज भारतीय जनता पक्षाच्या मेगा भरतीतच रोवले गेले होते. प्रदेशाध्यतक्ष चंद्रकांत पाटील यांनी मेगाभरतीबाबत विधान करून वस्तुस्थिती मान्य केली त्याबद्दल आपण त्यांचे अभिनंदन करीत आहोत. आता ती सुधारून पक्ष नव्याने निष्ठावंतांना संधी देण्याबाबत विचार करेल, असे मत भाजप नेते एकनाथ खडसे यांनी व्यक्त केले.
जळगाव येथे पत्रकार परिषदेत बोलतांना ते म्हणाले, कि भारतीय जनता पक्षात मेगा भरती प्रथमच झाली असे नाही, मात्र अगोदर 2009 च्या विधानसभा निवडणूकीच्या काळातही आपण भरती केली होती. मात्र त्यावेळी ज्यांची भरती झाली ते निवडून आले होते. मात्र आता भरती करण्यात आलेल्यामध्ये ज्यांच्यावर भ्रष्टाचाराचे आरोप आहे, त्यांनाही भरती करून घेण्यात आले. असे जे भरती करण्यात आले ते सर्व पडले. त्यामुळे राज्यातील भारतीय जनता पक्षाचे सरकार जावून महाविकास आघाडीचे नवीन सरकार आले आहे. या मेगा भरतीमुळे पक्षातील निष्ठावंतावर अन्याय झाला आणि जे बाहेरून आले त्यांना मोठी पदे देण्यात आली. या अगोदर केवळ मीच बोलत होतो, मात्र आता पक्षाच्या प्रदेशाध्यक्षांनीही मान्य केले आहे. पक्षाचे प्रदेशाध्यक्ष चंद्रकांत पाटील यांनी या मेगा भरतीबाबतची वस्तुस्थिती मांडली, त्यांनी ते बोलण्याचे धाडस दाखविले त्याबद्दल आपण त्यांचे अभिनंदन करतो.
वाल्याचे वाल्मिकी होत नाही
मेगा भरतीबाबत ते म्हणाले,कि ज्यांच्यावर भ्रष्टाचाराचे आरोप झाले, त्यांचे आरोप तपासून घेवून त्यांना प्रवेश देण्याची गरज होती. मात्र अशी कोणतीही पार्श्‍वभूमी न पाहता ही भरती करण्यात आली, त्यांना उमेदवारीही देण्यात आली. केवळ भरती झाले म्हणून एकाएकी ते वाल्याचे वाल्मिकी होत नाही. त्यामुळे या भरती झालेल्या सर्वांचाच निवडणूकीत पराभव झाला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.