निवडणूक हा खेळ वाटला का? - सचिन सावंत

पुणे - निवडणूक हा खेळ वाटला का, असा प्रश्न कॉंग्रेसचे प्रवक्ते सचिन सावंत यांनी विरोधी पक्षनेते देवेंद्र फडणवीस यांना केला आहे. 

नवी मुंबई येथे प्रदेश भाजपच्या आजच्या समारोपात फडणवीस यांनी सरकारवर टीका केली होती.  त्यावेळी फडणवीस यांनी 'हिंमत असेल तर पुन्हा निवडणूक लढवून दाखवा' असे आव्हान दिले आहे. त्यावर प्रतिक्रिया व्यक्त करताना सचिन सावंत यांनी ट्विट केले आहे. 

त्यात त्यांनी म्हटले आहे, की फडणवीस यांचे विधान अत्यंत बेजबाबदारपणाचे आहे. राज्याला राष्ट्रपती राजवटीत ढकलणाऱ्यांना पुन्हा निवडणूक परवडणार नाही ही जाणीव नाही. निवडणूक हा खेळ वाटला का? अंधारात कारस्थानाने शपथ घेणारे फडणवीस सत्तेच्या हव्यासापोटी आंधळे झाले आहे.